新手調理農務!

我終於處女下海去搞清麗村姑塊田喇,希望經此一役後塊田唔會驚咗我啦哈哈!😅


這天我的責任便是為這些袋子注滿泥土,給清麗村姑種她的靚靚韓國蘿蔔和薯仔。


安頓好種植袋後,更第一次嘗試從田裡拔出之前她種下的芋仔呢!
我都係第一次見咁大隻芋仔㗎咋!呢隻和部份的收成已經入咗我袋口喇,多謝晒呢嘻嘻!😉
大家睇下當日嘅收成有幾咁壯觀呀!💁
而且我仲撻了少少其他的農作物,如新鮮的韭菜,四角豆同埋一啲靚靚嘅日本甜蔥。
當晚更即時將收成煮給車爸爸享用呢!
前一夜的冬瓜盅還有剩下一碗,這夜當然要飲埋佢啦!
買咗兩條青根魚第一次嘗試用清蒸嘅方法,估唔到又十分好吃喎!不過這夜嘅重點是那清甜的日本蔥,果然吃下清甜兼冇辣味,真係好好正喔!!
韭菜加四角豆再加多少少自己買的蟹爪生菜,這什雜菜超豐富呢!
不如倒帶睇返之前的羅家飯吧!夏天車媽媽比較少煲湯水,但近來天氣都開始逐漸涼快,但又唔算太凍喎!不如整個冬瓜盅比車爸爸嘆吓啦。
這次嘗試用蝦湯嚟燉冬瓜盅,不過出嚟嘅效果就麻麻哋,因為蝦湯太霸道了蓋過了冬瓜嘅清甜味,下次都係用瑤柱整冬瓜湯比較合適!
最後加多個車爸爸最喜歡食的沙薑蒸雞翼,佢話我煮既雞翼係全世界最好味㗎喎,擦鞋仔把咀果然犀利呀!😏
另一夜的餸菜,忘記咗那條魚叫做什麼名字,但係味道鮮甜,質地嫩滑到不得了。


仲有我之前喺大埔墟街市買好抵的三十蚊有三朵嘅新鮮雪耳,車爸爸自從吃過一次之後就愛上了它,簡單的清炒已經清香好味,而且口感極之爽滑。
請容許在羅家飯加插一個美好的午餐,這天相約了八姨到車婆婆處打麻雀,車婆婆就煮了超正嘅燒豬骨膏蟹粥和惹味炒麵。😋
就係呢D膏我只吃了半隻已令我飽滯了一星期呀~😓
車婆婆炒麵好拿手架,不須有餸料也炒得乾身又香口😋
另外早前提過在大埔墟街市掃貨,就是敗了這堆好物,等我話比大家知道我買咗啲咩啦~
呢罌係醬醃螄蚶$50,我同車爸爸十分喜歡食㗎,一行到入大埔墟街市就俾我見到,歡喜若狂地的將他收入環保袋中。😁
去到大埔當然要去樹記買腐竹啦!店員話可以放喺冰箱處,用時才取出解凍,不過我仲未煮呀!
呢個新鮮嘅雪耳在哪兒街市買只係$30已有三個,比起我喺東涌買平一大截呢!😄
在那檔口內還見到好多新奇嘅番薯🍠,左手邊的叫做一點紅,中間的叫牛奶蕃薯,最右手邊嘅係栗子味蕃薯,而且還買了一條紫色的淮山呢。
三款蕃薯中最正粟子味蕃薯,須然質感較粉淋,但帶幽幽的粟子香好特別喎!另外牛奶蕃薯質感滑溜,但蕃薯不算濃,喜歡滑溜口感的朋友應該會喜歡,而最失望反而係最有期望的一點紅,質地較硬蕃薯亦不出色!

其實去大埔墟街市係因為我想去梁九記掃貨呀,哪裡的雞柳兩磅只需$20超抵呀!我最終埋了四磅回家呢。
而呢一隻鴕鳥肉我喺東涌買要接近$40盒,就算一田做特價時最平都要$30盒,但呢度只需要$50就有兩盒了,所以我又掃咗四盒比羅車車。
順便買多支平平哋嘅日本芥辣只需要9蚊咋超抵喔!
當晚就即刻將個紫色淮山煲粥比車爸爸食,淮山健脾開胃多食有益呀!送粥嘅當然係美味無敵的醬醃螄蚶呀!
這個醬醃螄蚶做得幾出色,味道鮮甜沒有一絲腥臭,亦看見它處理得很乾淨,有機會要再去買來吃先得。
另一日的晚餐竟然係街市俾我見到我最鍾意食嘅黑倉魚,另外再買啲甜豆炒新鮮雪耳,清清哋一餐都幾舒服吖!
這種黑倉魚肉質結實,味道鮮甜,魚裙邊的位置滑溜非常,大家喺街市見到不妨買嚟試下!
蜜糖豆炒鮮雪耳簡單的用蒜頭起鑊炒香調少許味,吃下清爽又好吃。
另一晚的餸菜車爸爸要求食洋蔥豬扒🐖,當然冇問題啦!另外整多個油豆腐粉絲,濕濕地都幾開胃㗎!
洋蔥豬扒確係香口好吃,焦焦香香真係飯都想添多碗呢!
用上前一日天用剩的豆卜做個油豆腐粉絲湯,簡簡單單的用粉絲加上榨菜已經好好味呢!
話說我在川燒吃過一味腐乳豆卜,十分惹味香口,而且覺得左家亦都做得到,我便膽粗粗在屋企試煮給車爸爸吃!
當然有我哋最鍾意食的魚啦!今日係清蒸魚,其實我覺得魚清蒸係最好味的,唔知大家係咪都有同感呢?
這個一口腐乳豆卜係大成功㗎,簡單易做有焗爐便可,車爸爸都盛讚十分好味道呢。


灼碟菜心又搞掂一餐了!
呢餐係車爸爸一個人食的晚餐,近期我都經常外出食飯,但係我絕不能忽略車爸爸的晚餐,我通常都會煮定一些簡單嘅餸菜給他收工回來吃。
像這天煮好了瑞士雞翼🐥和買了點他最喜歡的蟹爪生菜,他回家只要翻熱雞翼,灼好生菜便可以有豐富晚餐食喇。


之前仲係整牙階段嘅車爸爸唔係好食到硬食物,我好多時都會煮啲粥比佢,像這天就有皮蛋鹹瘦肉粥。
另一天就整定咖哩豬皮魚蛋,他只要淥熟個生麵就有兩餸車仔麵食喇!🍜


傻瓜車爸爸低能之作^0^
呢個在冇預備下煲的竹蔗紅蘿蔔馬蹄粟米水,係因為有天清麗村姑送了我一支香甜甘蔗而速成這煲糖水。
自家種的甘蔗果然清甜好味道車爸爸話勁好好飲呢!
呢一餐已經係上個月㗎喇,都係菜和魚啦!還有我最鍾意食嘅深水泥鯭🐟,見到有即刻買來用靚靚嘅果皮清蒸它吧!!
魚肉香甜紮實加上用陳年靚果皮去蒸,那種滋味真的十分吸引!
炒多碟嫩口豆苗,住家飯就係咁簡單㗎啦!
這個雞絲河係前一晚海南雞飯的剩餘物資,將雞胸肉造成雞絲河給車爸爸獨自享用,那個雞湯鮮香惹味到不得了呀!連我自己都不得不讚一句好好味呀。


車爸爸雞瘾又發作話要食海南雞飯🐥,當然冇問題啦,即刻去買雞整過佢嘆!
通常我都會將雞肶雞翼造成海南雞飯,再用雞油加黃薑煮成油飯,這樣已夠車爸爸吃到嘴lam lam了。😋
唔可以淨係食肉嘅!加多碟生菜咁就即時減少罪惡感啦haha~😁

留言

  1. 每次見到蒸魚都好想報名食羅家飯!

    車爸爸"傑作"真係好搞笑呀! :D

    回覆刪除
  2. 車爸爸唔擦吓鞋,至氹到妳煮咁多好餸食,嘻嘻

    回覆刪除

張貼留言

熱門文章