再說一次我愛你!

香港人對自助餐的熱情從沒改變,不過千篇一律的海鮮,熱葷甜品呀,有時真係會有啲悶呢!所以好多酒店嘅餐廳都會重唔同嘅主題來吸引客人,就好似我今日嚟呢一間酒店佢最特別之處係做半自助餐!
有朋友或者會覺得半自助餐咪好蝕底!但係話畀你聽一個有質素嘅半自助餐好過你食一個冇質素嘅全自助餐囉,不如帶大家睇下任食區有啲咩食先啦!先係車媽媽見到即時心心眼的任食生蠔,足足有六款咁多,非一般自助餐有這樣嘅堆頭㗎!
刺身壽司亦都應有盡有,如八爪魚,三文魚,立魚及甜蝦。


而凍海鮮區有小龍蝦,海蝦,翡翠螺,青口,鱈場蟹腳同埋麵包蟹,係咪好豐富呢(^_-)






還有這兒頭盤都十分出色及多元化,先有泰式魚露生蝦。
連我喜歡的蒜泥白肉都有呀!
鵝肝慕絲,日式冷麵同埋日式燒河豚乾 。




當然唔少得自助餐必有的煙三文魚以及各式各樣的cold cut。


這兒的芝士拼盤十分多選擇,有瑞士芝士,法國羊奶芝士,丹麥藍芝士,法國布里芝士及荷蘭紅波芝士,芝士迷可開心到爆燈了!
還有自助餐甚少見到的前菜,黑魚子白蘆筍伴蛋黃醬呢。
另外仲有自選的沙律吧,選擇唔算十分多,但係有我最喜愛嘅火箭菜和羅馬生菜,對我嚟講已經夠滿足了!
喜歡吃包包都可以試下㗎呢道的出品,款式唔少而且質感都幾軟熟呢。
是日餐湯係野菌忌廉湯,看上去樣子十分不俗呢!
睇完前菜和海鮮又睇下熱食區有啲咩好食啦!車仔檔有特別嘅湯底可選,除了正常嘅上湯外,還可選海鮮湯作為湯底,再選自己喜愛的餸料,真係十分重有創意呀!
而另外一個我最喜歡嘅係即煮法式海鮮湯,內裏材料十分多可選,例如有蜆,東風螺,魷魚,海蝦,蟶子連喺自助餐少見嘅花蟹都有,喜歡邊樣夾畀師傅煮,完成後會有人攞去你放低的牌仔號碼的檯上。
今次多了新菜式就係新鮮荷蘭黑青口,餐廳用上三種煮法給客人品嚐,有白酒煮,啤酒煮,另外仲有香濃惹味嘅泰式黃咖哩添!




仲未夠豐富咩!嘩連燉湯都有呀,今日嘅燉湯係沙參玉竹燉螺頭,飲完 一定好滋潤呢。
仲有燒雞翼供應喎!看上去香香蜜蜜的雞翼好吸引呀*^O^*
睇完熱辣辣嘅食物,就介紹冬冰冰嘅甜品畀大家,講緊嘅梗係雪糕啦,記得上一次來軟雪糕係網紋蜜瓜雪糕,今次就換上血橙意大利雪糕,車媽媽即時心心眼因為我最喜歡嘅就係血橙的味道,另外還有酸香嘅乳酪軟雪糕呢。
唔喜歡食軟雪糕嘅可以吃Haagen-Dars,今次得四款口味曲奇雲呢拿,香檸雪葩,芒果雪芭和抹茶雪糕,雖然少咗味道但係就加插咗雪糕批,這兒供應三款個味道有士多啤梨,夏威夷果仁脆糖,同埋岩鹽焦糖味的雪糕批。


 喜歡食雪條嘅朋友又多一個選擇了!
其他甜品分別有麵包布甸,士多啤梨拿破崙,香梨撻及檸檬撻。




朱古力慕絲蛋糕,迷你栗子撻,意大利咖啡芝士餅,60%朱古力蛋糕,以及綠茶慕絲蛋糕。




還有上次吃過大家都讚口不絕的紅酒燴梨。
芒果布甸,白酒啫喱,法式焦糖燉蛋這些大路甜品亦有供應。
但係最吸引我嘅係榴槤甜品,呢處還有兩款可選呢!包括係榴槤班戟以及榴槤芝士蛋糕,呢次發達啦!
另外新鮮生果,唔少得有我最鍾意嘅菠蘿另外還有蜜瓜,哈密瓜和西瓜啊~
而中式嘅甜品有蓮子紅豆沙,木桶豆腐花。


好喇介紹完任吃嘅自助食物後,介紹一下今晚嘅主菜有啲咩揀先,這兒的牛會佔大部分,{T骨肉眼{,{西冷}甚至乎{威靈頓牛柳}都有,不過美國安格斯嘅T骨頭需要額外再加多$98,但係仲會配多一杯紅酒喎其實都好抵㗎,另外都顧及到喜歡吃羊嘅朋友有{香煎澳洲羊扒伴雜菜},唔食牛羊嘅我都唔駛擔心因為仲有{海鮮拼盤},{芝士烤焗或烤波士頓龍蝦},如果喜歡中式嘅還有{柚子智利銀鱈魚配絲苗白飯或蛋炒飯},和紅燒法國春雞伴生炒臘味糯米飯},又幾特別喎衰鬼!
咁多美食的地方其實係銅鑼灣皇冠假日酒店內的Kudos,第二次再遇上它只能再說一次我愛你喔!肚仔已經投訴喇當然要先吃個頭盤先,看見呢個九格碟好多朋友也知道我哋去咗邊度食自助餐啦?呢九格當中最令我深印象嘅係風乾火腿配菠蘿,又鹹又香又酸又甜,那種交錯嘅味道真的百吃不厭。
今日大解放張六隻生蠔全部吞噬入肚,左起L'Fine,Coffin Bay,Irish Harty,Scottish Bistro,Angel Organic,Fine De Claire, 我就最愛3,5,6號佳麗,蠔味鮮濃之餘亦較爽口。
凍海鮮中我較喜歡小龍蝦和雪場蟹腳,味道鮮甜好吃不過我好自律每樣只吃了一件。


健康嘅沙律菜就唔怕食多啲啦,尤其是有我最愛嘅火箭菜,真係好香濃美味呀!
呢個海鮮湯真係不得了,貪心嘅車媽媽夾了十分多海鮮給廚師,所以海鮮湯超級鮮甜濃厚。
而這個沙參玉竹螺頭湯亦都好足料,味道清甜好嘢嚟㗎!
另一款野菌忌廉湯亦都濃厚,質感滑溜,香味十足。
大閘蟹嘅季節kudos一樣追上季節潮流,每位客人送上一隻四両重的大閘蟹。
呢度嘅大閘蟹係我暫時食過咁多間自助餐質素最好的,蟹公嘅白膏纏綿黏嘴,吃得我十分滿意。
吃吧大閘蟹當然要飲返杯暖胃薑茶啦!呢度呀薑茶味道十足,真係好鬼夠薑㗎。
而三款荷蘭黑青口中最好味嘅我覺得係泰式黃咖哩,香辣惹味之餘,青口亦香滑玩好吃,另外啤酒煮青口都好有驚喜呢!
到我哋嘅主菜出場了,不吃牛羊嘅車媽媽最終選了柚子智利銀鱈魚配上炒飯。
銀鱈魚質地都算嫩滑,墊底那件炸番薯亦都香甜好味,不過都唔夠跟配嘅炒飯好吃,炒得金黃又乾爽上佳之作。
另外好友的烤波士頓龍蝦亦盛載滿滿驚喜,龍蝦烤得十分香口, 熟度拿捏得非常準確,原來用上 活龍蝦來炮製,怪不得鮮甜又爽口啦。
最後係吃牛嘅好友的主菜T骨肉眼扒,份量真的超巨呢!
吃飽飽煮菜後就到甜品時間了, 當然要試我一來到就上的血橙軟雪糕啦!可惜期待高於現實質地係滑溜的,未達到我心中所想的味道!都係食大師雪葩好了。
另外再夾幾件想試的甜品,作個自製甜品拼盤。
當中梗係最喜歡食榴槤千層班戟,係個邊位有啲乾硬,但係中心位係十分軟熟,而且榴槤味都好香濃,吃完便滿足地歸家了!

留言

  1. 未食到主菜已經大半飽啦,真係好多選擇呀,最得意係主菜選擇中仲有中式嘅可以揀,同老人家去啱哂呀!

    回覆刪除
  2. 比我就跟本都食唔落主菜呢

    回覆刪除

張貼留言

熱門文章