好一間入麵

某星期天在荃灣揾吃，行過路德圍見開了間入麵 Entrance主打台式風味啱我那天口胃，一於跟車爸爸一試。

店內較迫夾但尚算企理，牆上的貓裝飾栩栩如生🐱，那大Pat Pat🍑正到呢！

假日休閒午餐有成八款選擇咁多可以配湯麵，撈麵，米粉或者飯都得㗎！而且湯麵仲有三款湯底可以揀有豬骨🍖，蕃茄🍅同麻辣🌶 樣樣都好似好吸引喎！

而飲品方面車媽媽一見到紫色嘅蝶豆花就已經完全全被俘虜了💜💜，跟餐減$5便可享用。

睇下我哋食哇啲咩先我就揀咗{豬八戒蕃茄湯麵}🐷$52，價錢唔算十分便宜但係看見佢嘅配菜亦都好豐富，而且份量都幾足我覺得還可接受的！

蕃茄湯底有鮮味唔會有唔湯唔水嘅感覺，而且標榜沒加味精都叫交足功課了，所謂嘅豬八戒其實我覺得是豬肉滑，但係咬落去好彈牙不過肉味就唔算好香濃，反而配菜我覺得幾唔錯，有黑木耳和健康嘅粟米粒仲有啲生菜，而餐廳係用台灣麵線，幼身的麵條沒甚咬口但質感滑溜。

車爸爸就點咗{麻香雞豬骨湯麵}🐥$43，餐廳都幾細心因為麻香雞係另外上 客人。

豬骨湯底看下去白雪雪的感覺挺香濃，但喝下就沒有那份濃郁感，但亦算係有味道不會淡茂茂的，這應該是沒味精的感覺！

而媽香雞味道就就交足功課，麻醬味道好香濃，不過雞肉就真係唔係好掂了，當然唔會諗住有新鮮雞食，但係雪藏雞都可以好質素啲嘅！

反而兩杯飲品我就幾鍾意，左面那杯係藍天寒蜂，而右面那杯係藍蝶奶茶。

車爸爸出盡渾身解數來搖勻給我享用好有型呀😍

藍天寒蜂內裏有藍蝶花茶，加寒天仲有蜂蜜分子珠珠和荔枝汁，喝下香甜味美，時不時還吮到滑捋捋的寒天，同埋咬開香甜蜜味嘅蜜蜂分子珠珠，成件事來得十分合拍又過癮。👍

而車爸爸角藍蝶奶茶其實都好唔錯㗎，奶味幾香濃茶味世不俗，係估唔到嘅好飲囉！

回外家途中經過福來邨一間雜貨舖嘅門口，看見呢兩隻慵懶嘅貓兒在曬太陽真係十分之享受，而且佢哋個樣真係超搞笑囉傻更更的好可愛啊~