摘星的晚上

掌聲鼓勵香港逸東酒店逸東軒 Yat Tung Heen榮獲2017米芝蓮一星食府榮耀,我哋一班為食貓就相約來一個摘星的晚上✨
一個熟悉的地方能得到殊榮真心替它高興,送給它最好的禮物我相信是我們吃罷滿足的表情及喝采的鼓勵。



先來脆皮燒腩仔拼叉燒$256,賣相工整肥瘦均稱的燒腩仔,皮脆肉香咬口十足,而叉燒就更不得了!肉質鬆化帶少許肥膏,蜜味不會過甜,還帶少許焦香好好味呀。😋😋
話梅車厘茄🍅$70,這個前菜車媽媽係最喜歡食的,喜歡到會在家自己嘗試過做,看似簡單但要酸甜度恰好而又入味,確需要點技巧喔。
香麻海蜇頭$88麻香十足,而且海蜇頭爽脆有咬口,作為前菜亦都稱職萬分呀。
花膠杏汁燉白肺湯$140,呢排跟這湯很有緣,以往車媽媽很怕飲杏汁東東的,不過現在的都用上新鮮杏仁去做,而不會加上杏霜,那味道我絕對可以接受,況且湯頭雞湯味十分濃郁,絕對唔會比杏汁蓋過,所以我其實原來都喜歡杏汁白肺湯架!


砂鍋和味銀絲焗海中蝦$308,粉絲炒得乾身而且惹味,加上爽彈鮮甜的海中蝦,哪有不好吃的道理呀!
鮮沙薑陳皮生煎斑球$658,記得上一趟來吃過鮮沙薑陳皮煎雞,今次換上斑球,層次唔同咗食味亦都昇華了,嫩滑魚肉加上幽幽的沙薑香氣,散發出估唔到的味道。
大澳蝦膏唐生菜膽$145,大澳嘅蝦膏有多香相信好多人都好試過,大廚大膽敢用上蝦膏去煮唐生菜膽,出嚟嘅效果好惹味,不過我就略嫌重口味咗少少!
這個桂花魚配合高纖配料的炒飯叫五穀豐登$280,賣相氣勢磅礡的炒香氣撲鼻,令人期待不已。
炒飯用紅.白米,粟米,松子等多種配料炒成,吃下乾身香脆又可口,吃完一碗還想再添飯呀!
飯後甜品有千層棗皇糕$38/4件,紅棗香氣撲鼻,質感煙靭軟糯,而且不會太過甜漏,香甜好味道。
另外還品嚐了楊枝甘露$39,楊枝甘露奶味不是十分重,反而令芒果味更顯突出,吃下亦沒有坊間一般的那麼膩,清香足料又好吃呢。

留言

張貼留言

熱門文章