28 1月, 2017

恭喜發財🐓年行大運

雞年第一次見面由羅車車🐶代表羅家謹祝大家:新年進步,財源滾滾,飲和食德,身體健康🎉。
昨夜年三十晚身體還是帶點不適的我,未能盡情煮桌精緻的團年飯給車爸爸,只是求其煮小小意頭菜,希望他唔好介意啦!
湯品蟲草花開富貴雞湯🐓,喉嚨非常不適的我都不敢飲用,唯有交比車爸爸盡情喝光吧!
茄汁笑哈蝦🍤🍤這虎蝦我一早就係街市買定當時$160斤大約有八隻,隻隻大過我手板好鬼巨型呢!用茄汁來煮貪其色澤紅噹噹意頭十足嘛,蝦肉爽彈鮮甜至極。
甜蜜煎金蠔🍯這隻16頭金蠔我早前在灣仔春園街買落的,半乾身鮮香十足,用蜜糖香煎之後外脆內軟,鹹甜交集五味紛陳,而且隻隻都脹卜卜好似荷包咁飽滿好好意頭呢。

生機處處有機茄炆冬菇腩肉🍆🍄🐖,茄子係清麗村姑送給我的有機茄子 ,我用冬菇,蠔豉,腩肉嚟炆煮好惹味呢,希望大家睇完囉家團年飯後都萬事如意,身體健康恭喜恭喜😉😉。

10 則留言:

  1. 祝新春愉快,最緊要身體健康

    回覆刪除
  2. 新年快樂!

    妳碟金蠔實在吸引太多太多太多啦!

    回覆刪除
    回覆
    1. 對不起也要說聲,真的太美味啊hehe~

      刪除
  3. 恭喜發財,祝車媽媽一家: 新年快樂~ 身體健康~ 恭喜恭喜~

    回覆刪除
    回覆
    1. 謙盈媽咪祝妳子女聽話,身體健康,老公錫晒妳^0^

      刪除
  4. 好返哂未呀?唔舒服都整到咁多野,犀利呀

    回覆刪除
    回覆
    1. 扁桃腺發炎已好了,現在還有兩聲咳,人哋為母則強,我就為妻則強囉haha~

      刪除
    2. 我就兩樣都唔強,哈哈

      刪除
    3. 唔係吖!妳為貓則強嘛haha~

      刪除