少爺18

年廿九當日可以鬆一鬆,一早跟車爸爸出旺角食早餐然後行一陣街取埋團購寢具便跟甜魔一家去少爺18 嘆個優閒的下午,是日下午茶時間頗少客當然啦又未放假那我們便坐得更舒適了~

一幅由碟砌成的裝飾牆很吸睛簡單又美麗

我便是給這美美碟子吸引來吃下午茶喇,大家有否被騙到呀碟子是膠製品來的真的美呆第一見到還以為係瓷碟呢!!

Tea set架都是美美又精緻喔!三層分別放上鹹甜食品For二人用只係$138還配咖啡或茶抵食到冇朋友

放出來可讓大家看清楚一點吧~

首先鹹點有三款每款有三件,新加坡鮮蝦春卷香脆不油膩,雞肉沙嗲串燒頗喜歡它家的沙嗲醬有著粗粒花生香得來好有咬口,印度咖哩角外層酥皮做好到家內餡即時被比下去了~

椰香脆香蕉椰糖配上脆香蕉好可口略嫌香蕉過熟了點點~ 

不得了有榴槤朱古力餅香濃榴槤醬加上朱古力餅教我如何不愛它啊!!為何只係你得兩件呢~班蘭咖央多士香甜班蘭醬從來愛爆又令我想起甜魔媽媽新加坡的咖央醬手信了..... 

另外兩款Tea set蝦湯鴛鴦麵配海南雞$58初時我還傻更更的以為只有油麵原來是還有米粉的鴛鴦麵來,蝦湯夠足料海南雞夠香滑好好味~ 

          

椰香喇沙配參巴蜜糖雞翼$58喇沙合格有餘那蜜蜜的參巴雞翼中正我的菜呢愛C它haha~

真心推介小爺的下午茶價格相宜質素亦好地點便利最重要坐得超舒適大家行開葵芳一定要去食個Tea供應時間3-6時