星期六拍拖夜

近來同車爸爸傾開計發現我哋冇咩時間拍拖所以最近開始逢星期六晚他收工後便相約去行街食飯我當然好開心啦不過就辛苦返了整天工的他喇^0^

呢間宏興美食館食物好街坊但係我童年回憶呀我小時候車公公久不久便帶我去廟街食炒蜆田螺賴尿蝦同呢間豬骨粥,蘿蔔糕~

而家我又帶車爸爸嚟食豬骨粥$16粥底好綿鹹豬骨好好味下火良品~

蒸蘿蔔糕$12其實我一定整得好吃過它不知為何嚟親都唔食唔舒服haha強迫症~

再行到附近廟街牛什食牛什以往喺對面後門底的牛什車現已搬到較大又清潔的舖位仲有炸大腸買添~ 

古法炸大腸$12炸得好香脆可惜腸冇腸味死罪呀還好的是沒異味!!

牛什要咗4串分別有腸,肚,肺,蘿蔔=$40腸好味夠淋又有腸味,牛肚太近邊皮位有點韌,肺係車爸爸的見他密密清應該好好味但最正嘅係蘿蔔入味非常又淋又甜超水準~吃罷我倆便尋找廟街另一番味道超期待^0^