買少見少的羅家飯

自5月街市裝修後羅家飯真係買少見少了,因為臨時街市實在污糟得嚇人,希望8月快點重開啦!!以下係近來的4餐羅家飯^0^

魷魚醬蒸鯇魚腩,最後的魷魚醬用埋就冇喇,我喺商場啲popup store道買的香辣惹味配淡水魚一絕嫁~ 

惹味開就唔爭在炒多碟孜然韮菜香口非常呢! 

這餐食燒春雞當然要啤啤佢咁先襯嫁嘛!!

春雞內餡用上紫洋蔥,翠肉瓜和甘荀粒炒香後釀入醃好的雞身後拎去爐焗烤至金黃熟透出爐時好鬼誘人呢!! 

尤其係隻雞脾仔皮香肉滑十分juicy好好味嫁^0^

這天吃鮮茄芝士焗豬扒飯配健康的秋葵,車爸爸又話要啤啤佢呢隻1664的Rose絕冇Hoegaarden Rosee那麼好喝喇!! 

用上澳洲穀飼豬扒質地淋滑有肉香煎香後鋪滿鮮茄醬汁和Parmesan Cheese焗香便可開餐,快靚正之煮意^0^

秋葵我喜歡灼熟後淋胡麻醬吃有益又好吃~ 

呢餐攪攪震在Aeon買到個迷你冬瓜仔梗係要整番過呃like冬瓜盅啦!! 

麻煩了車爸爸幫我開了冬瓜仔還有晒造型果然有藝術家的細胞喔!! 

冬瓜盅挖空後放入用蝦乾,瑤柱,肉粒和帶子肉和夜香花淆成的海鮮湯,蒸20min便可食用係咪好easy呢^0^

那啖鮮香甜美的冬瓜湯車爸爸極度欣賞呢,煮飯的樂趣便是這樣看到吃的人開心自己多辛苦亦值得的^0^

今天還買到游水深海泥鯭,蒸得剛熟魚味都幾鮮甜60蚊都叫抵食嫁喇^0^