合理犠牲

罪孽深重的車媽媽，這夜又再一次廝殺蟹族，請原諒我的饞嘴吧！

這夜到LIS Café便是為了合理犠牲的蟹族送别一番hehe，其實這是酒店的{濃情蟹宴自助餐}，星期一至五＄369,假日＄389(巳包加一)不過優惠到19/9咋，但不要緊由19/9~4/10{濃情蟹宴自助餐}更加推埋任食大閘蟹，原價自助晚餐買二送一(星期一至四適用),喜歡吃蟹的朋友萬勿錯過呀！

話明蟹宴當然要睇下有咩蟹食啦！先有最傳統的薑蔥炒蟹。

特色的花雕蛋白蒸蟹，炸蟹鉗(太喜歡這蟹型麵包盛器)，焗釀蟹蓋。

新口味有鮮茄蓉地中海紅膏蟹，惹味有九層塔泰式香辣肉蟹。

當然唔少得凍海鮮中的雪場蟹腳啦,另外還有青口和海蝦。

頭盤有水牛芝士蕃茄，煙三文魚，柚子蜜煙鯖魚，什錦凍肉。

沙律區選擇很多呢，各取所需，來客個性沙律吧！

靚絕的雪花蟹肉咯嗲，煙三文魚捲阿拉斯加皇后蟹肉，冷麵和新鮮生果。

熱葷有咖哩三文魚頭，咖哩燴雜菜，鴨胸，螺絲粉。

香口的咖哩酥，酥皮腸仔卷，印尼蝦片，多春魚，炸薯角，法式蛋批。

甜酸柚子骨，西芹豬頸肉，清蒸海上鮮，雞翼尖及炸豆腐卜。

刺身方面有立魚，三文魚，吞拿魚同希靈魚,喜歡吃魚刺身的朋友可樂透了！

另外還有不少壽司，生熟都有各取所愛啦！

是夜中湯係冬瓜薏米煲唐排，另外西湯係野菌忌廉湯。

還有一個燒烤嘅檔口，會不停燒出倉魚，香腸，雞翼同埋我最愛嘅燒菠蘿*^O^*

仲有劉總都話好好味既清炒時菜，和我喜愛欖菜蒸茄子。

甜品種類十分之豐富，先看看甜品櫃內有色彩繽紛嘅布甸，各式各樣嘅cut cake，奶凍及啫喱。

而這裡的名物柚子蜜蛋散今晚仍然能品嚐到實在太開心了，另外還有窩夫及麵包布甸呢！

小點心有法式曲奇，同埋小朋友最愛的椰絲啫喱糖。

這夜雪糕係芒果及士多啤梨口味。

自助飲品區，隨自己心愛，喜歡飲什麼便冲什麼吧！ 

介紹完畢開始廝殺行動！！影張愛的遺照先^0^

依舊第一碟沙律加頭盤，西瓜及哈密瓜十分清甜，煙三文魚香而不腥，要吃多點蔬菜打打底，希望不要太過有罪惡感啦！

凍海鮮質素不俗尤以鱈場蟹腳為佳，一梳梳的蟹肉實淨鮮甜不會過鹹，海蝦質感紮實，味道亦都很鮮。

話明係大廝殺梗係食曬所有嘅蟹款啦！地中海茄蓉麵包蟹，味道新奇帶出另一番風味，九層塔泰式炒蟹香香辣辣惹味非常，花雕蛋白蒸蟹蛋白須滑，但係花雕可以多一點那應會更加香口。

而靚絕的雪花蟹肉咯嗲，用上青瓜做成蟹仔模樣十分可愛，味道清爽蟹肉鮮甜加上柚子肉十分吸引。

飲多碗野菌忌廉湯，係時候進軍甜品喇(^_-)

先來個甜品大拼盤先，哈哈我哋真係好瘋狂呀！！啫喱杯質感很柔軟味又清香我好喜歡，最Like梗係柚子蜜蛋散啦！鬆脆香甜誘惑至極喔~

布甸有班蘭，香芋同士多啤梨味，而當中我最愛就係香芋味道因為係紫色吖嘛！其實除左顏色靚之外布甸嘅質感都好滑溜的，而且香味亦都算不俗呢。