歌可細味！

蒲唱片舖相信係不少人的回憶，時移世易資訊科技發達的現代，正版正音已經越來越少人支持， 不知是否因為這樣所以連HMV Bar & Restaurant都要經營餐廳呢？？

是日跟好又嚟買影碟，發現這間餐廳感覺幾唔錯喎！不如就腳喺道食啦。

話曬而家都係十月，所以餐廳佈置十分多Halloween的擺設。

但最令我心動嘅係因為呢間餐廳週遭都有呢隻可愛嘅小白狗，他的樣子呆呆傻傻的十分討人歡喜。

買完野都十分口喝，先飲杯 Pineapple Punch$39。

清香嘅菠蘿味令人十分已接受，不過如果小甜DD會更加合我心意。

炸魷魚配他他醬$78，香口嘢從來都受人歡迎，不過我更喜歡佢嘅他他醬，少少的香辣味好吸引！

香茅柚子芒果蝦沙律$98，呢個沙律富泰色風味，大蝦幾爽彈加上幽香的香茅味都幾清新呀！

但這個羽衣甘藍茴香牛油果橘子芝麻醬沙律$78，更令我歡喜輕煎過的牛油果吃下更加甘香，加上爽脆嘅羽衣甘藍，和配上我喜歡的芝麻醬真心喜歡它呢。

藏紅花忌廉煙肉青口$178，份量挺足的青口吃下質感軟滑，藏紅花忌廉汁亦都香滑可口，配上烘脆麵包簡直係Perfect Match。

接著還是了這個好特別既早餐薄餅$138，基本上薄餅上嘅料係一份早餐來，有蛋，菠菜仲有蕃茄和芝士。

蕩漾嘅蛋黃咬下十分juicy，但正因為這樣令到薄餅變淋了！呢個需要改進一下呢！

芝士龍蝦意粉$208，龍蝦味挺香濃，長通粉亦都好咬口，但係醬汁就比較濃稠，適合多人分享。

但係全晚最令我驚嘆嘅係呢一個 雞湯通心粉$78，雞湯富香味， 通粉夠彈牙，最讚嘅係雞肉十分嫩滑，原來廚師係用咗慢煮方法去烹調，怪不得那麼好吃啦。

HMV意大利芝士蛋糕脆筒$78， 用上另一個造型出場的Tiramisu 外貌認真搞鬼, 不過味道方面就唔算太突出。

總括來說呢間餐廳我都覺值得去幫襯，出品都幾有誠意，而且價錢亦都十分經濟，絕對可以再返兜。

吃罷晚餐後我意猶未盡，便捉了好友陪我去ATUM Desserant吃甜品畫！

來ATUM當然要食IMPROVISATION$348/For Two，甫坐下先得到之石榴汁試管，給我們Refresh一下味蕾！

記得上次揀咗黑色底墊，今次來一個大反轉要了白色，甜品師先用上不同醬汁來勾畫線條。

之後逐一為白色甜品墊造型，內有朱古力mousse，綠茶麻糬，芋頭慕絲，朱古力薄脆，仲有柑橘啫喱及蜜糖脆脆，甜品師還會邊鋪排邊給我們試吃呢！

當砌好四邊的甜品後，到主角出場喇，煙霧迷離的境界就係分子雪糕的表演時間。

今天的分子雪糕有黑加侖子味，同埋黑朱古力味，兩款味道都十分出色。

黑加侖子味酸香甜美，而黑朱古力就醇厚甘香，好好味喔！

最後嘅步驟甜品師加上粉紅色嘅龍鬚糖便大功告成了。

而咁多款擺設甜品當中我較喜歡這個抹茶果子，煙煙韌韌富抹茶香氣好好味呀！

而這個朱古力mousse極像豬紅好可愛呢，而味道亦都香甜好吃的^_^

這個甜品還會配茶的，我選了Signature Fruit Tea，用上蒸餾咖啡壺奉客，賣相已經一絕了！

水果茶味道香甜，喝下十分順喉舒適。

而且還附上蜜糖，如果喜歡吃甜的可以隨意加上！

而好友就算了薰衣草，青檸花茶！

不過我始終對薰衣草的味道未能接受，還是交給好友好好欣賞吧！