沾沾沾

上月一個黑色暴雨後的晚上，車媽媽帶著濕透的褲管狼狽哋走到厚福街揾吃！一個人的浪漫最好便是吃日本拉麵啦！

見到這間元祖沾麵專門店就怱怱走進去安座好先抹乾身上雨水，已經又餓又渴了隊罐可樂$15先！！

再看看餐牌有咩正麵食，本來想豪一豪佢食呢一個{芝士海膽沾麵}可惜是日沒有海膽供應呀！

那來一個大反差吧！食最抵最平最基本的{味玉魚介沾麵}$68。

車媽媽喜歡吃有咬口的麵所以點選了硬麵，上檯時會見到放在石鍋滾熱辣的魚介湯，味道挺香濃但油份相對豐腴，將冷冷的極太麵放入湯嚟食，用這便是沾麵的最佳吃法。

先要稱讚一下這兒的極太麵，無論掛湯能力以及咬口都係一絕，而魚介湯內會有數顆豚角在入口鬆化味道很不錯呢。

事隔一星期因為太喜愛它的極太麵，所以拉了車爸爸來吃多一趟！

今天天朗氣清所以特別有心機欣賞店內環境，原來門口有一部點菜機，讓客人在排隊等位時可以點定喜歡嘅拉麵，待入座後便能快點可享用。

內在環境都算寬敞，一邊係獨立的吧檯，另一邊就可以給較多嘅朋友一同坐埋享用拉麵。

好可惜嘅係今日仍舊係冇海膽芝士沾麵真的好失望！！

車媽媽係可樂粉絲$15當然至死不渝啦！但係車爸爸就喜歡新鮮感所以試了個綠茶可樂$38！

這個綠茶可樂我飲落就覺得有啲似沙士嘅味道，確確實實真係唔係我杯茶囉！

而沾麵方便我哋揀咗左手面的{元祖龍蝦沾麵}$118，車爸爸將佢加大左面底由180g變成280g所以要另外加15蚊，而右面的係我點算嘅{味玉赤蝦沾麵}$88。

車爸爸的元祖龍蝦沾麵，內有兩片火炙過的叉燒，質感尚算淋滑但未算鬆化肥瘦亦都均稱，而流心蛋亦交足功課盪漾香甜，上次亦都吃過十分滿意的極太麵，這次同樣地質感令人讚嘆！

而這個龍蝦湯看似很油，但係放了麵吃時入口又不覺油膩喎！內裏同樣有幾顆豚角增添了豐富感。

而我的赤蝦沾麵同車爸爸那款落差不多，只係少了兩片豚肉啫。

但係最令我驚喜的反而係我呢一個赤蝦湯，味道鮮濃又香口， 我覺得比龍蝦湯更加惹味可口呢！

呢個極太面我真係十分十分鍾意，夠粗身掛湯能力十分高，而且咬下煙韌彈牙，麵質嚟講我覺得比起我愛的台風更加吸引^0^

今次我還加添了這個秘製辣醬$10，我覺得香味還可以，但係辣味就唔夠啦！！

同樣哋我個湯亦有幾粒豚角，呢個豚角真係好鬼鬆化可口，而且肉香亦都好夠，得幾粒真係唔係好夠喉呢！

而這裏的流心蛋質素好穩定，上一趟來吃的和今次同樣出色味道香甜，質感軟滑黏糯好吃。

店方仲好貼心咁將食沾麵嘅程序圖示給客人，當然最後就要加湯飲埋那精華啦！

一加了湯上去哪個沾麵汁所有看見的油份都忽然消失感覺好神奇，喝下亦都鮮味非常，而且一點都唔會過鹹及肥膩真係好好飲呢！