18巷泰國餐廳 Soi 18 Thai Cuisine

泰菜從來都係我心頭愛良朋共聚之夜當然係我首選,近年還掀起一陣泰北潮細心尋找下發掘到18巷泰國餐廳 Soi 18 Thai Cuisine位處銅鑼灣中心地帶方便各方好友^0^

到達時大家要留心入口因為須經過牛禪才可進入Soi 18,火快地由日本飛往泰國^0^

甫坐下先來杯青檸梳打$45這杯夠汽便好喝甜度控制得不錯十分消暑,另外再order杯店方強烈推介的三色冰$45我很少喝太奶的飲品(甜品除外)但這杯真的十分好飲椰子味香濃但絕非笠口很清爽的內有我愛的大樹菠蘿絲最令我讚嘆係那三色彩珠咬下初時軟糯隨之而來竟是卜卜脆的口感原來用上馬蹄粒做餡好有心思~

泰式生蝦$118以往我也會在家做這菜不過現在不敢了還是幫襯有信譽的食店,蝦肉爽口好新鮮這兒生蝦汁辣度對我來說有點BB班下次要加辣喔!!

泰式鍋巴$88鍋巴鬆脆配上香甜咖哩小孩也可品嚐同行Matthew仔也勁愛這味呢!!

18巷鮑魚沙律$158擺碟成蓮花般優美食味亦帶給我清新境界,除了彈牙鮑魚外還有爽口椰子芯及開胃酸子薑真是吃得好清香~

香辣豬頸肉沙律$128豬頸肉味香濃如果汁醬再辣些應該更迷人伴吃的生菜也經冷凍更見爽脆這點很貼心~

秘制黑胡椒炒蟹$388我最愛食蟹多得友人相就呢隻蟹起碼有斤半重肉厚多膏黑胡椒味香而不辣這正是我愛的味道吃於吮晒手指(失禮晒)^0^

泰式燉花膠$398煲仔內充斥花膠份量足夠4人份量~

湯頭醇香加入芽菜及特製白醋啖啖花膠真係好味到昇天^0^

泰東北包魚吃$268生菜包食得多同概念轉化成包魚吃又頗特,用上貴價荀殼魚用生菜包裹醬料辣椒米線魚肉同吃先效果出奇美好更沒肉碎那樣漏真係好好味~

荀殼魚燒至剛熟肉質嫩滑魚味很足耶!!

鮮蝦炒金邊粉$118絕對係熟悉的味道炒至爽身不油膩合格啦~

火辣酒炒河粉$128見菜牌有4隻辣埱我這辣媽當然要會一會佢啦,成品勁大碟海鮮比河粉還要多味道調配不錯可惜辜負了4隻辣椒真的不夠辣喔!!