台灣暖男

閏左月的今年大閘蟹出籠亦都比較遲！而且大家都知今年已經冇乜大閘蟹選擇，喜歡吃的我心裏已打定輸數今年冇靚蟹食㗎喇！點知個天又幾鍾意我喎俾我發現到金域假日酒店內的龍苑中菜廳推出了一個大閘蟹套餐，價錢不貴之餘還供應台灣的大閘蟹，昨晚跟一班好朋友就去試咗質素不俗絕對唔講得笑呀！

從來都覺得龍苑門口好有氣派！極具中國色彩踏進去很有尊貴的感覺！

這兒的*蟹*逅在龍苑套餐原價＄748/位，現只需在一天前下單預訂便可享有＄448/位的優惠價 {兩位起 }供應至30/11，另每位加＄100更可於席間任飲紅、白餐酒及十年黃酒真心抵吃又抵喝。

先上檯是生拆蟹粉小籠包、蟹肉雞茸燕窩羹及花雕蛋白蒸蝦球三款都很吸引呢！

先品嚐生拆蟹粉小籠包外皮看上都幾透薄見得到湯汁在內醞釀著，咬下去包頂有點點過厚不過有蟹粉的補貼下感覺好多了！

而小籠包的內餡就充滿肉汁，肉糰亦都鬆軟可口不硬實，吃下滿口芳香這質素絕對收貨有餘了！

接下來這個花雕蛋白蒸蝦球味道跟質感同樣迷人，先有爽彈鮮甜新鮮非常的蝦球，繼而墊底的蒸蛋白嫩滑勝雪還帶點野性的酒香好誘滑！如果蛋白能再厚身些更加醉人！

接下來這一碗蟹肉雞茸燕窩羹更是足料非常，而且份量大得驚人喝罷真的很飽肚呢！

熱燙燕窩羹內有不少梳梳鮮甜蟹肉，大家看到嗎還要是紅蟹肉來的，我覺得從來都是紅花蟹的蟹肉最為鮮甜！

另外燕窩亦毫不吝嗇重手非常，喝完這碗湯羹更簡直覺得自己皮膚即是嫩滑不少呢！

再來的是蟹黃醬吉列龍躉塊，蟹黃醬濃稠度恰好配上炸至酥香的鮮味龍躉塊吃一件真係唔夠喉㗎！唔緊要啦人多的話咪額外叫散點多一客囉，除了這套餐還有十多款散點大閘蟹菜式可選嘛！

這個時候當然係到這天的主角紫蘇蒸大閘蟹，這次吃的是最愛的蟹公太妙了！如果吃得滿意又想Encore的話亦只需額外加＄100便可享用多一隻大閘蟹喇。

將蟹蓋揭開內裏滿滿的黏糯蟹膏活現眼前，就是喜歡蟹公這種黏嘴纏綿的口感，所以我只喜歡吃蟹界美男子。

單尾來一客香檳汁海皇蟹粉焗飯，香滑的香檳汁加上蟹粉做出來的焗飯很誘人，汁料跟飯的比例亦都恰到好處，吃罷這碗飯後真係超大滿足啊~

最後當然唔少得黑糖薑茶湯丸作結尾甜品，小聲跟大家說這兒的黑糖薑茶絕對是上上佳品， 即時變成了這甜品的主角呢！！