羅家飯之*早午餐*

限聚令又再次收緊意味著煮意已經不可斷了！那今天就來分享羅家飯之早午餐吧！第一餐就先清外家帶回來的剩菜先，車婆婆經常會炆豬手、掌翼這些有骨落地菜式給喜歡吃的車爸爸嘆，今次還加入了我送給她吃的花膠真係比佢激C！

這星期老火靚湯是新鮮響螺章魚粉葛湯，湯味當然超級鮮甜而那響螺肉煲後吃仍然十分鮮味，每星期返去都有得又食又拎真係好幸福呀！

炆豬手掌翼花膠就配個蝦籽麵來吃吧！雪櫃還有些羽衣甘藍輕輕拖水便可作配菜！但實在太多餸了根本吃不完剩下半碟就留待一個人的浪漫晚餐！

第二天吃是之前買回家的那兩隻七両大閘蟹我將一隻半拆出成蟹粉，但又好像不太夠吃所以再另加了些蝦仁來伴素麵吃！

車爸爸不愛吃羔但蟹粉則十分歡迎之至還邊吃邊讚好味道添！當然啦吃下去啖啖甘香鮮味又不用吐殼，只是難為了家嫂的我啫嘿嘿！

第三天吃九唔搭八聯合國的早午餐用了意大利拖鞋包配日式叉燒，夾本地有機沙律菜和車厘茄再配少許新鮮蜜瓜和蕃石榴生果。

拖鞋包口感軟熟加上入味軟淋的日式叉燒，連同新鮮的沙律菜吃又幾好味喎！

星期五都係吃包包買了脆皮麥包烘脆後放上芝士、Ham和太陽蛋，另配當然是必有的新鮮沙律菜啦！

這天本想吃豚肉漢堡包可惜找遍家附近也買不到漢堡包！唯有買兩隻咸豬仔包來頂替啦！

這個日本豚肉漢堡扒我是在Aeon買的，煎出來肉嫩多汁又夠肉香但只需＄25件真的挺抵吃，我加入了芝士、牛油生菜和番茄片已經好好味了。

星期日吃濕濕哋的香煎雞翼配番茄肉碎湯通粉，在早一夜醃好雞翼吃時將之煎至焦香真係好惹味！

番茄肉碎湯更易煮將肉碎爆香後加入切粒番茄炒淋，然後加適量的水、茄汁、糖、鹽和胡椒粉調味便成了番茄濃湯！將煮熟的通粉加入酸香濃湯中配嫩口露筍好吃得來又夠營養。