04 12月, 2016

醉人情懷下午茶

有冇想過High Tea仲要飲埋香檳這個嘆法需要花費幾多呢?如果車媽媽話俾你聽只係$428/2位大家覺得抵唔抵呀?而且講緊香檳品牌係Moet喎!如果大家都覺得抵嘅就要跟住車媽媽去Club @28嘆吓午茶喇!
坦白講來銅鑼灣皇冠假日酒店每次都係去一樓Kudos食自助餐,28樓的Club@28還是第一趟踏足,環境優雅舒適,這天跟好友Hea足兩個多小時才依依不捨哋離開。


Club@28位於酒店頂樓連接住露天嘅泳池環境十分之優美,還可以遠眺綠草如茵的馬場景色,我覺得淨係環境都已經物超所值價了!


我哋這天要嘆的便是Club@28 X Moet & Chandon醉人香檳下午茶,$428/2位,如果喜歡飲Rose都只係$488/2位,已包括每位鹹甜點各五款的精美點心,當然不少得下午茶膽英式鬆餅啦,而且點心件頭十分足秤,絕對係抵食之選啊~
千呼萬喚的{醉人香檳下午茶}悠悠的上檯了,跟上兩杯Moet & Chandon,色彩艷麗又精緻很有睇頭呢。
那天陽光普照所以帶了Rose出去泳池影張靚相先!😎
平時車媽媽食下午茶必定係鹹點行先,但係今日見到呢兩杯{雙色香檳啫喱}忍唔住要先將它幹掉,餐廳真係十分落本啫喱充滿香檳芬芳,吃下亦都酒香滿載,質感亦恰到好處不軟不硬十分好吃喔!👍
好了吃罷美味的香檳啫喱之後就食鹹點先啦!
呢一個係{迷你龍蝦漢堡}須然話迷你其實也不算的式,吃下龍蝦肉爽夾彈真的估不到那麼出色。😋
{迷迭香蘑菇串燒}🍄廚師只好聰明用上迷迭香串著蘑菇來燒香,除了菌香味外再加上幽幽的迷迭香香氣,討好又迷人😚
呢一個係{黎巴嫩燒雞肉串}味道好香,雞肉質感亦好嫩滑,絕對唔會嚡烚烚好好味㗎!🐥
{香脆鵝肝多士配無花果},可惜我已戒掉鵝肝多時,唯有辛苦好友吃多一件喇!
最後還有{煙三文魚香草蛋沙律三文治},這個味道十分好吃的蛋沙律邪惡到極點,但又真係好好味喎!配上鮮香的煙三文魚簡直係絕配呀。

而甜點方面就有後方的{士多啤梨拿破崙}🍓,質感酥脆而且士多啤梨好香甜,後右那件係{香檳芝士蛋糕},我覺得好有創意,但係香檳同芝士我覺得味道唔算太夾。
前方的{榛子朱古力撻}🍫質感濃厚,而且有我最喜愛嘅榛子,撻底亦好鬆脆我十分喜歡這個配搭,最後那件係{開心果椰子蛋糕},從來開心果做甜品都係出色的這件也不例外,軟滑的開心果忌廉確容易令人 迷戀呢。