05 1月, 2017

龍蝦做午餐

上月29號那天係車爸爸享受完八天假期後第一天的工作日,以前我在職場時候放完大假後返工真係好唔開心😢!所以我決定請他吃一個豐富又浮誇的午餐打打氣💪。
選了出名食龍蝦的Master Kama位處銅鑼灣方便吃完返西環的車爸爸。
Book了十二點鐘檯,到達時還未到午飯人潮時間,所以我哋坐得很舒服。


話說浮誇但其實價位都不算十分昂貴,就已經可以食到靚牛🐂,龍蝦等菜式,仲有美味特飲呢🍹🍸。






選好了所有食物後四處影吓相好快飲品已經到來了!
左邊係我的Grape Soda$48,右邊係車爸爸的Snow Queen Smoothies$58


我的提子梳打味道極像小時吃的百寶膠提子味🍇,味道超熟悉而且唔太甜我好鍾意呀💜。
而車爸爸那杯係雲呢拿加香蕉的Smoothies質感幼滑,而且香蕉🍌同雲呢拿的味道配合得啱啱好,沒有搶去對方嘅獨特味道,份量仲超足好底飲呀。
期待午餐即將降臨好肚餓呀😋😋😋。
先上枱係龍蝦包$188賣相勁精美,龍蝦包配上鴛鴦炸薯條🍟(蕃薯,薯仔)以及牛油檸檬醬🍋,還有一些新鮮的沙律菜🌿。
麵包兩側經已烘脆,內裏放滿鮮甜爽口的龍蝦肉好浮誇喔!但係又好好味喎😁伴龍蝦包的鴛鴦薯條炸得香脆,吃下外面香口內裡粉糯香甜,簡直係邪惡軸心呀!好彩仲有啲沙律菜可以減低罪惡感,成件事實在太完滿了。
另一份Kama Pot彈性十分高,因為可先揀湯底,然後再揀配料,最後揀埋要飯定要烏冬,就可以砌成一碗豐富的Kama Pot🍲。
配料我哋揀咗醬燒豬手$85,而湯底我哋就揀咗龍蝦芝士龍湯$15,共銀$100💰,龍蝦芝士龍湯十分香濃,龍蝦味中滲出鹹香芝士味好吸引呢。
豬皮🐷煙靭軟糯而且入味非常充滿骨膠原耶,豬手肉比較實淨,但放入湯後就變香甜柔軟,
湯底內還有不少蟹柳,獅子狗魚蛋等配料都好豐富㗎!你睇下呢個獅子狗魚蛋幾可愛有心㗎💓,暗地裡浪漫啱曬情侶來食呀👫。
話咗要幫車爸爸打氣吖嘛!梗係點返個佢喜歡的食物就係燒安格斯牛柳$45🐂。
足足有五粒的安格斯牛柳燒得好香口,內裡還帶極緻粉嫩色調,車爸爸表示十分滿意呢!
車爸爸多謝你努力揾💰養家辛苦晒🙇。