10 1月, 2017

吃風一小時!

呢單嘢已經係上年12月的事,翻閱相片時忽然發覺自己唔記得寫低,我覺得此等事情絕對值得紀錄下來 。
話說這夜本來要到西貢打保齡的,地獄黑仔王A和地獄黑仔王B在銅鑼灣西貢小巴站食咗一個鐘頭風後都未能等到車🚐,那唯有放棄啦!吃了一個鐘頭風好想食一碗熱辣辣的擔擔麵🍜,多謝地獄黑仔王B相就近近哋掟個彎去王家沙花樣年華食啦,環境比一般的王家沙華麗。
食上海嘢不外乎呢幾味,{醉嘉美雞}🐓$88用上可愛醬酲奉客,賣相就十分之精緻不知味道如何呢?
可惜吃下雞肉冰凍且硬實,而且酒香亦都唔出色,沒有好好肩負起醉雞的重任,真係有啲失望囉😩!
{蘇式鮮肉小籠包}$48包頂摺位過厚,夾起後即時穿破,絕對唔係合格之作,味道巳不再重要了!
點多個特色點心{王家沙貢梨}$38🍐,賣相造型就十分可愛,內裏用肉碎和菇菌作餡。


不過好可惜一口咬下原來外皮未曾炸熟,不過侍應都好快就給我換掉重新再炸出一份熟透的給我們,味道就像鹹水角般沒啥特別。
{王家沙擔擔麵}🍜$48全晚我最喜歡就係呢一個擔擔麵,湯底濃香麻味十足, 可惜又係麵太淋累事!
最後仲叫多個{墨魚烤肉}🐙🐷$88,濃油赤醬的菜式味道偏甜,內裏有不少筍角和嫩滑冬菇,可惜墨魚用上薄片口感稍遜。
受了一個鐘頭風吹淨係食餐上海菜係唔夠喉嘅,最終拉埋地獄黑仔王B去i CREMERiA Dolce Giapponese食雪糕🍦。
點解呢個金箔軟雪糕咁鬼土豪架,唔覺得會好好食囉!唔知會唔會有人真係買來吃呢??


左揀右揀都係返兜柚子抹茶餡蜜芭菲🍈🍧$58,清甜的柚子味夾雜軟滑抹茶,牛奶雪糕,加上粒粒香甜蜜瓜和白玉丸子,成件事清甜又香滑確實迷人至極。
而地獄黑仔王B就整咗杯{熱朱古力}$43,睇嚟佢真係有啲凍親喎🙊,希望下次我哋兩個地獄黑仔王唔會再發生呢啲離奇事件啦哈哈哈哈哈。