31 1月, 2017

鹿鳴春@爐兄飯局團年

大年初四在這最後一天假期大家要好好享受呀!趁今天繼續分享團年飯局, 這次爐先的團年飯局設在鹿鳴春飯店 。
對上一次在大班樓飯局我提議去鹿鳴春,私心哋因為我未去過鹿鳴春,好彩大家反應都好好,最後終於在這大好日子吃這餐團年飯。
餐前小食醃酸菜十分之好吃,車媽媽差點吃到停不了口啊~
雲腿片顏色看上去好嫣紅美艷,不過吃下就真係太過鹹,我覺得都係蜜汁火方好食啲囉!
五香醬馬蹄就做得好爽脆可口,味道亦都唔會過鹹,肉質亦不會硬實實,好好味道。
鴨掌拌西芹鴨掌爽口好味,但份量太少了!西芹爽脆清爽我吃了不少呢。
醬牛肉當然我冇試啦!好友們不要客氣。
鹽爆管庭呢個味道做得十分出色,尤其是加埋薑蔥一齊吃,簡直只應天上有之物。
教化雞呢個菜要預訂㗎想吃的朋友記得預訂啊!
侍應生月鎚仔一敲開泥層,見錫紙包裹荷葉內便是主角教化雞,一看便知這是功夫菜吧!


說時遲那時快連全雞個影我都未見到,侍應已將我哋嘅教化雞分了,確實吃下雞肉十分嫩滑,而且很味道很香呢,加上好吃嘅甜口梅菜,忽然間爐兄上身想叫個白飯啊~
繼續這味酒糟鴨肝就精彩絕倫了,幽香酒味盡藏鴨肝之中,粉嫩迷人的色澤,入口黏糯酒味香醇,可口非常。
車媽媽最想試鹿鳴春其中的原因是想吃這兒的烤北京填鴨曾經想來吃多次都未能成事終於今天可以一嚐。
京蔥,青瓜,烤鴨醬當然係唔少得啦,簡單沒花巧我喜歡。
而且薄餅皮做得十分出色,絕對唔會硬掘掘,又軟又富香味,淨食已很美味
烤鴨雖然冇我想像中那麼好吃,但是一眾好友高高興興的圍著吃,亦是一件賞心樂事呢。


鍋燒肘子這個做法聽聞挺複雜又要炆又要炸,但係食落我就覺得比較乾咗少,有點兒失望呢!
雞油豆苗從來都係最好吃的菜,但係都要付出代價㗎因為........好肥㗎!
炒肉末榨菜配叉子燒餅,肉末如濕潤些我覺得會更合我口味,叉子燒餅就又香又脆口。
蔥油餅做得十分香口,雖然我啱啱攞嗰度就冇蔥,但係酥餅做得確唔錯呢。
鴨殼就用來津白來淆咗個鴨湯,味道清甜到不得了,而且一啲都唔肥膩呢。
最後的甜品係核桃酪湯圓,合桃味唔算好出色,不過旨在團團圓圓,意頭嘢一定收貨啦!


最後就係萬眾期待嘅拔拔絲香蕉,這個較特別嘅就係用忌廉汽水來泡製而成。


這樣吃落口係多了一份香氣確較特別,但就冇期待的拔絲效果囉!


30 1月, 2017

莫家團年放題

今年莫家團年飯我哋嘅莫大小姐話要食放題,大家當然鼎力支持佢嘅建議啦!上飲食網站查閱發現荃灣新開了這間大井町日式放題那就試下呢間新的日式放題吧!


這夜收費成人$258/位,長者$208/位兩小時任食,價錢都係一般放題的價錢,而且冇因為臨近年尾而加價,這一點值得一讚👍,但這夜就發生一件幾唔開心的事,有位黑衫侍應竟然因為我哋點了30件刺身而跟我哥哥說*食唔食得晒架,食唔晒要收錢*,態度十分惡劣,實在太侮辱客人😡,可幸另一位負責人即時來道歉及跟進漏單,大家才熄怒呢。


因為新場的關係內裏十分光猛,亦都乾淨舒適,座位尚算舒服唔算太逼狹。
跟一般放題同樣將飲品放在雪櫃內🍺🍹,任客人隨意選自己喜歡的飲品,可惜這夜的飲品真的不夠凍呢!
但店內竟然有熱嘅維他奶供應呀,我都係第一次係放題店見到有熱維他奶勁呀。
甜品櫃都係一般嘅Cupcake,泡芙,和果子等甜品。
呢個係豆腐雪糕帶香香的豆腐味,放在一個白色小雪櫃中,一不留神好易看不見架!
另外還有新鮮生果和沙律菜自取,見到咁多新鮮的菠蘿開心死我了😁。


第一碟當然係食咗新鮮生果先啦,菠蘿甜美,西瓜清甜,哈密瓜就一般啦!
而我就一口氣取了這三款果酒🍹給車爸爸,包括白桃,荔枝同埋提子味,入口像果汁多於酒,但係酒精成份都有4%唔好睇少佢呀。
先點少許前菜吃先,魚翅海蜇,中華沙律,以及帶子裙邊全部味道正常。
刺身亦都樣樣叫了點點,我哋人多所以一上枱感覺都幾震撼喔haha~
當中最正嘅當然係軟糯甘甜的赤蝦🍤,但一點也不像擦子膠的吞拿魚🐟亦都好有驚喜,另外其他刺身亦都十分新鮮好味道。
而這個章紅魚薄切拌柚子酢則魚肉爽口彈牙,配搭柚子啫喱一齊吃簡直係人間極品😋。
這個薄切立魚拌海膽醬就沒有章紅那麼好吃了,但係立魚都係好新鮮的,只不過海膽醬我覺得唔夠甘香啫!
帶子壽司飯糰味道不錯不易鬆散,而且不會太大件,而帶子有鮮甜味,感覺幾唔錯。
火炙壽司我就冇試到啦!不過看樣都好似幾正咁噃。
另外還點了松葉蟹腳壽司,魚子醬拌赤蝦壽司🍤,以及花之戀卷🌺,我試咗魚子醬拌赤蝦壽鮮甜軟糯吃下口感十分不錯。
燒雞骨腸賣相好可愛,我忽然間諗起套卡通片大家知唔知我講緊邊套呀!
見到有海膽手卷都叫你試下啦!不過我覺得可以唔使叫囉!
帶子北海燒內裏有滿滿洋蔥香口非常,還有一粒小巧精緻的帶子,可以接受啦haha~
這個味噌焗蠔就真係唔掂喇!個味噌甜到漏冴我真係有啲頂唔順囉😖。
鹽燒鯖魚和燒羊架不嬲唔係我杯茶,交畀屋企人品嚐吧!


鹽燒海蝦都好新鮮,呢個只要夠新鮮唔會點失手嘅。
最正當然係燒菠蘿啦🍍本身呢度菠蘿已夠香甜,經燒過的更加香口好吃,而且爆汁非常,真的愛死它喔。
芝士焗釀蟹蓋焗得好香口,吃下都唔覺得好漏,這個大家一定要試呀!
我哋選咗虎蝦🍤,冬菇🍄,南瓜🎃還有一口蕃薯🍠天婦羅,虎蝦天婦羅粉漿厚到不得了不吃也吧!但係一口蕃薯天婦羅就唔同又香甜又好食。
從來都未見過真實版係靚過菜牌上的食物,呢度牛肉烏冬🍜真就係例子之一,雖然我冇試呢但聽家人嘅評價十分之唔錯呢。

蟹粥粥底都算綿身,粥內在小蟹一隻令蟹味就不多!
餐廳真係好均真我哋點了四份清酒煮蜆,佢竟然上四隻給我們,即時O晒嘴,而且味道亦都麻麻哋所以都冇再點了!
其實去到邊度放題的芝麻雞翼都唔會太差,這兒的都算唔錯但係未算係最好食的一間!
有榴槤炸彈我呢個榴槤迷當然唔會放過啦!呢啲都係攞貨返嚟其實間間食味道都一樣,只要炸得唔油膩便可這個我收貨啊~
最後每人還可以叫一客Movenpick雪糕或Dreyer's嘅雪糕批🍨。
我當然揀咗Movenpick嘅士多啤梨雪糕啦,實在太美味了😋。
團年飯梗係要影返張大合照啦,祝莫家上下身體健康,日日愉快,出入平安,財源滾滾來,恭喜恭喜!!


指定動作要同我哋莫大小姐影返張自拍,琳琳豬🐷好快就要高過姑姐了!