31 12月, 2016

高質放題火鍋店@鍋心

今年冬季天氣乍暖還寒的真的令人心煩,不過講到打邊爐其實而家春夏秋冬都可以食㗎啦!尤其是早幾日涼涼地打邊爐那條癮即刻出晒嚟!比我發現到間好嘢即刻捉車爸爸陪我去止癮。

30 12月, 2016

好友冬至聚@潮福

講到蒸氣火鍋大家應該都唔會陌生吧!講到底火鍋好,蒸氣火鍋也好最緊要就係用料新鮮,不過吃一頓有質素的蒸氣火鍋價錢真係唔平呢!
車媽媽今日有好介紹潮福蒸氣火鍋任揀任食任飲海鮮餐$338/位起,每位有滋潤燉湯,有乳鴿或貝殼盛盆,又有生猛龍蝦或刺身拼盤,仲有數款自選海鮮,另外還有不少任點任食的選擇,重要任飲啤酒,汽水,竹蔗水及韓式飲品,您哋話抵唔抵呢?
一上到潮福感覺跟一般蒸氣火鍋店好唔同,裝修好優雅而且地方光猛又乾淨。






魚池內擺滿各式各樣生猛游水海鮮🐟🍤🐚🐙,見到都流曬口水呀😋。
今晚一行十人預早慶祝冬至,真的十分十分熱鬧好開心呀😄。


首先揀選粥底有兩款選擇,新鮮排骨粥或者瑤柱鮮淮山粥,識食梗係揀後者啦,用上珍珠米出來效果應該好綿滑。
任食套餐內還會每位贈送滋潤燉湯一盅,有三款選擇西洋菜生魚燉陳腎,老黃瓜燉排骨西洋菜今日沒得選最後全部揀姬松茸燉螺肉,燉湯味道幾清甜仲好足料呢。
另外每位客人都會送上脆皮乳鴿半隻或貝殼盛盆🐚,乳鴿幾好肉又入味,肉嫩多汁好好味喔😋。
 貝殼盛盆內在花甲,花螺和青口,全部都新鮮非常,味道鮮甜喔!
還有刺身拼盤,生猛龍蝦半隻二選一,我哋選了生猛龍蝦,隻隻肥大肉厚,質感爽彈,味道鮮甜。




而且每位客人更可以選擇四款海鮮,生猛海中蝦🍤全部都好新鮮,蒸熟後肉爽味甜。
另外仲有美國桶蠔同埋北韓象拔蚌,前者Creamy後者爽脆鮮甜可口。
呢隻北韓鮮鮑魚蒸熟後非常軟淋,加了蟲草花後味道更加吸引。
還有北海道北寄貝都係鮮甜味美之貨色,加上蒜蓉粉絲蒸令到北寄貝更加惹味好吃。




蘇格蘭蟶子皇蒸至剛熟的蟶子皇入口爽脆,味道勁鮮甜真係好好味啊~
最後仲有大元貝隻隻好似我一樣肥大肉厚,今晚食咗咁多海鮮真係十分十之滿足呀😚
以下食物就係任點任食之項目,不過食咗咁多海鮮之後其實都真係好飽下!這碟係好友們的手切和牛肉和手切和牛粒🐂,嫣紅的肉色挺吸引。
仲有蟲草花清遠雞🐥和順德污糟雞🐣,雞肉都幾嫩滑好吃㗎!
另外還有特別的手打梅菜豬肉丸,手剁鮮蝦丸,我試過蝦丸都幾爽但彈喎。


最後梗係要扮健康吃D蔬菜啦!最後食埋個蒸馬拉糕就真係十分滿足喇,呢一餐冬至聚個個都食到肚滿腸肥,寄望明年我哋可以能夠再聚呀😍!
嚟緊一連兩篇也是火鍋特集,有興趣的朋友要留意喇!

29 12月, 2016

任性的我

有一天忽然想食醬油蟹,便任性哋約早收工的車爸爸陪我去擦蟹,記得去過梨滿園韓國料理那兒食物質素都好唔錯,咁就唔使亂咁求其搵間啦!
都已經12月㗎啦都唔知點解仲咁熱😥,隊番罐可樂解吓渴先。
豐富到不得了的前菜,裏面當然有我最鍾意嘅泡菜,另外大豆芽菜都好好味㗎。
醬油蟹$158係今日嘅主角,藍蟹肥美多膏,像啫喱般的蟹肉是最吸引我的地方,蟹蓋內的膏加入白飯同吃 ,鹹鮮度十足,真的十分好吃喔!不過蟹雪得有點過冰,我將佢放一陣子升溫才吃會較為合適。
香煎餃子$68煎至香口的餃子內裏有韭菜,粉絲和豬肉餡,味道恰好,整件事都十分吸引。😋
另外點了濟洲島黑毛豬柳肉$98/150g🐷,和鮮帶子$128。
這個黑毛豬柳係附味道的,平時我唔太喜歡醃味的烤肉,不過這個黑毛豬柳確實十分淋滑,而且醃味唔算太過濃烈,而且還吃得出肉味來。


而這個鮮帶子就份量十足,烤熟後並沒有縮小的情況,入口好軟滑,不過醃味就有點兒重手咗喇!😜




店家會附上生菜同埋麵豉生菜🌿,加入烤肉包裹同吃,味道又是另一番風味呢,而且能減去油膩感。
多謝車爸爸經常包容我的任性,攪到經他肚滿腸肥哈哈😆

28 12月, 2016

獨自快樂的一餐

有時候自己一人獨自吃個午餐都幾正,自己想食乜便食乜,好像這天去整頭髮前便在旺角橫浜丼吃頓一個人的浪漫午餐!
位於女人街內的日式小店,有拉麵🍜,刺身🍱飯等食品。




下午時份人流不多,店內裝修輕鬆寫意,給我感覺挺舒服。


最後選了雜錦鮮帶子刺身飯$52,還跟麵豉湯一碗,麵豉湯都係一般質素沒有驚喜。
雜錦鮮帶子刺身飯內有數片新鮮軟糯帶子,還有色彩色繽紛的配菜,如八爪魚,螺肉,中華沙律及玉子,另外還有胡麻沙律好豐富喔!味道方面正常沒太大驚喜,係飯粒偏硬,不過只係50多元已我收貨了。
配鹹檸七只+$5須然鹹檸不算很香但都算幾抵啦!