10 12月, 2016

聖誕自助餐又一超正選擇🎅

聖誕節🎅一個普天同慶嘅大日子當然要跟摯愛好好慶祝一番吧!喜歡吃自助餐嘅車媽媽近期密密搜羅正正兼值得吃的餐廳比大家,好似這夜的Three on Canton內容超級豐富絕對係一間值得去吃的餐廳。
行到餐廳門口遠遠已經見到這個伯爵提子茶🍹的廣告牌,賣相精緻非常所以我決定要一杯來欣賞一番。
成個配套有伯爵茶冰粒,提子🍇放在高身杯中,另外還有土耳其超甜蜜的軟糖,和我最喜歡的接骨木花味糖漿,成件事加十分之美麗優雅,而且味道非常香甜,伯爵茶幽香順喉淨飲已經十分出色,加上接骨木花糖漿後那份香甜好令人神往,這78蚊絕對絕對要比啊~
話明係聖誕節自助餐車媽媽決定由甜品開始為大家介紹,淨係行呢個甜品區已經令人好感受到聖誕嘅氣氛,一輛小火車不停在甜品中穿梭,覺得架小火車好幸福唯!🚆
打頭陣有藍莓芝士蛋糕,Tiramisu平時都較易食到嘅蛋糕。


而較特別嘅有呢個法式菠蘿忌廉蛋白蛋糕,和焦糖忌廉泡芙呢兩樣我覺得好好味咁喎!


特濃朱古力忌廉蛋糕呢個一定要試呀!朱古力🍫味十分濃厚但係又唔漏㗎,另外仲有什雜莓芝士蛋糕。


當然唔少得新鮮生果🍍🍈🍉🍊不過最驚喜嘅竟然有紅肉西柚,相信除咗菠蘿之外我最愛就是它了。


而小杯裝甜品會有栗子朱古力牛油蛋糕,同埋芒果布甸但係最正最正係呢個阿華田燉蛋,又香又甜又好味㗎。😋




連涼粉都有得食,仲可以自己任意加入紅豆蓉或者什果,喜歡自創的朋友啱晒。
雪糕迷來到這兒一定好開心,因為呢度供應Movenpick雪糕,仲要有七款咁多添呢次發達了😍。
即製甜品有招牌朱古力心太軟,會於每晚約八時推出,唔好話我唔提大家呢個唔攞係你損失!


另外仲有香脆窩夫同埋麵包布甸㖭!


自助餐基本必備嘅朱古力噴泉,同埋我最喜歡的馬卡龍都有呢!可惜我到最後都係飽到食唔落哈哈~


再唔係自己DIY整番個雪糕班戟都幾唔錯吖!
好講完甜品咁我哋去睇頭盤有咩食先,有我最喜歡嘅Parma Ham,另外還有 Salami,Mortadella,另外還有各式Cold Cut。


芝士選擇亦都有六款咁多,啱晒芝士迷啦,可惜怕羶的我未能一一品嚐!


行到清新沙律區雖然款式唔算太多,但係樣樣都好精緻好味㗎!
有煙鮫魚及煙三文魚,香口的烤雜菜。


呢個外貌標緻嘅係墨西哥火腿芝士卷,唔止樣靚味道仲好好呢!
還有近年大熱的健康藜麥沙律,佢仲配埋熱情果同埋橙又酸又甜一定好好味,中間就係俄羅斯沙律,而最左手邊嘅係蟹肉紅菜頭通粉沙律,全部味道都不俗好清新。
有冇人好似車媽媽咁好鍾意食生蠔呢?餐廳每晚會供應兩款生蠔,今晚我哋可以嚐到嘅係Smoky Bay同埋Four Season。
凍海鮮區陣容易都十分強大,有小龍蝦,青口,鱈場蟹腳。
仲有龍蝦,麵包蟹,龍蝦鉗,海螺等係咪好豐富呢!




日式區方面刺身質素亦都甚高,有牡丹蝦,玉子,螺,希靈魚,吞拿魚同三文魚,咁多款選擇唔好話你揀唔到啱食㗎!
當中亦都有不少卷物可供選擇,小朋友一定最鍾意啦!
不過我覺得呢杯的式嘅魚生飯顏色鮮豔好鬼可愛喎,一陣間一定要試試先。
最後亦都唔少得日式嘅冷麵,自己DIY鍾意配乜亮就配乜爽呀。
不過講到邪惡當然要睇下呢一個Carbonara睇見都想食呀。😋
到熱食區一眼就看到有香煎蠔仔餅喎!呢個係自助餐真係比較少見,看上去好香脆,可以一試,睇下仲有咩中式美食先。
清蒸鱸魚脹卜卜肥嘟嘟咁,都幾引人犯罪。
另外還有蘿蔔牛腩羅,連茶葉蛋都有呢!


而且還有燒味供應,呢度嘅叉燒,油雞質素都唔錯㗎!


蔬菜方面有百合杞子浸芥菜,另外還有蟹肉扒瓜脯,這些都是自助餐比較較少見的菜式,仲有婚宴名菜北姑海螺扒時蔬。


不過我最心心眼😍當然係見到有我喜歡食的片皮鴨,都係無限量供應,而且質還不賴呀。


喜歡飲燉湯嘅朋友都要留意,淮山杞子圓肉燉唐排,清甜又滋潤正呀。
愛澱粉質嘅朋友可選荷葉飯,看落去十分乾身,希望一陣間有位可以一試啦!
咖哩區亦都十分陣容鼎盛,內裏有印度烤雞,羊肉咖哩,雜菜咖哩以及咖哩雞供應,配合印度烤餅同吃簡直係Perfect。
但我覺得今晚嘅主角就非呢個海龍皇湯莫屬,初時都以為條魚係主角,其實個湯先至係精華所在,香濃的龍蝦湯加埋其他新鮮海鮮淆成濃湯,好飲到不得了,所以經常都會得番棚骨喺度,不過餐廳會補給得很快。
餐廳還有即煎鵝肝,喜歡邪惡勢力嘅朋友一定好開心😏


烤肉區先有數十支羊架向我揮手,可惜我吃不了,不過睇相我都覺得好美味。
燒牛肉當然係不能缺少嘅一員啦!
話明係聖誕節Buffet火雞更加唔少得,不過真係好大隻呀!
烤肉配菜Corner都唔少嘢,除烤蕃茄,薯仔,蔬菜外當中有兩樣我係特別喜歡的。
就係日式燒茄子🍆同埋薯蓉🍠,呢兩樣我可以話畀大家知係必吃喔!


唔夠飽咩唔緊要呀!仲有超級好味的喇沙湯等您,自己喜歡油麵,米粉,銀針粉都可。
再加埋自己喜歡嘅餸料夾比師傅煮,很快便有碗香濃惹味的喇沙湯等您吃喇!🍜


介紹完美食當然要顧及一下喜歡美酒嘅朋友,自助餐內只要用$98就可以擁有紅或白餐酒一枝,喜歡飲兩杯的朋友不能錯過呀!
好啦介紹完畢係時候話比大家知這自助餐價錢由成日$598/小童$398起,到平安夜,聖誕節,除夕及元旦的特別日子成人$628/小童$428起,到時還有聖誕老人,派對禮物,合唱團,除夕倒數派對及小丑扭氣球等特備節目。
大家吃自助餐同時亦可為兒童癌病基金的癌病兒童送上一份祝福,馬哥孛羅酒店大堂的聖誕樹🎄上掛著他們親手繪畫的願望禮物,只要將標示及善款交給禮賓部,酒店便會代為購買或直接將禮物🎁交到禮賓部亦可,到一月份酒店便會為他們舉辦聯歡派對上送出禮物及祝福,那麼有意義希望大家多多參與呢。🙇
講了那麼多要吃好西喇!先試一試呢度嘅凍海鮮,很喜歡這兒的小龍蝦,鮮甜唔會過鹹,鱈場蟹腳亦都肉質紮實味鮮甜,龍蝦唔使講啖啖肉亦爆晒膏超豐盛呢。


生蠔亦都係車媽媽的*飛佛*兩款當中我比較喜歡下圖的Smoky Bay,入口較為甘甜,口感亦較爽脆。


而這個粒粒魚生飯🍱加少少芥辣和醬油其實味道都幾唔錯㗎!不過太飽肚我食咗一啖仔咁多咋。
嘩呢度嘅刺身質素超得,尤其三文魚香滑油潤味道回甘,而甜蝦亦是軟糯鮮甜好味道呢。
吃完海鮮當然要食返啲菜啦!揀咗少少羅馬生菜配藜麥夠晒健康,再加埋我最最最愛嘅風乾火腿配菠蘿,真係食得好滿足呢。
食完凍冰冰的美食車媽媽通常都會食D熱盤平衡吓,在宏宏美食當中我選了這幾款,當然中心嗰件片皮鴨係我覺得最好食㗎喇。另外日式茄子,薯蓉都係私心推介啊~
我比較鍾意飲忌廉湯🍅,所以試咗呢個蕃茄忌廉湯,酸酸香香的味道都唔錯㗎!
最後都要食番碗我頭先大力推薦嘅喇沙湯麵,呢個湯底喺自助食到簡直係恩典,湯頭香濃滑溜富椰香,確實係出色之作。
到甜品時間有即製心太軟,你睇下幾咁流心,味道亦都甘香醇厚,大家一定要試呀!
最後我再攞少少菠蘿同埋甜品就完成咗我今晚聖誕節自助餐了,提一提大家記住食阿華田燉蛋呀真係好好味㗎😋