28 2月, 2017

自家出品,零舍不同

這天的羅家飯就係為咗我自製醃雪菜而設的,話說過年前清麗村姑送了我 兩隻長得極像長江七號的七仔的可愛白蘿蔔過我,它頭頂的頭髮(蘿蔔葉)就畀我醃咗做雪菜,經過七七四十九日的磨練終於鍊成美味雪菜出來,今天便要將它煮成一頓美味的雪菜豬扒麵🍜。
除咗雪菜豬扒麵整多個前菜食下啦!即食海蜇頭係喺工展會買的,麻油味超香入口都好爽脆,久不久吃一次也不錯。
這碗就係我的自家醃製雪菜,我將佢用蒜蓉辣椒爆香特別惹味。
車爸爸話喜歡食雪菜豬扒麵🐷🍜,那便煎兩裝豬扒加入惹味雪菜,再淥個白麵上海味道便出曬來。
另一天的晚餐煮了車爸爸喜歡的梅菜蒸鯇魚🐟,另外煮番個自己喜歡吃的蒜蓉蒸茄子🍆,加多一孖臘腸就變成一顿豐富的晚餐了。
呢隻臘腸係 車爸爸喺 上環 一間名叫和珍臘味家 買的, 玫瑰味超級香濃 如果喜歡吃壽臘腸嘅朋友應該會喜歡他
梅菜蒸鯇魚要煮不難,不過要整得好食都要做點點功夫㗎!梅菜事前要用薑絲炒香調味才攞去蒸魚會零舍好食喔!鯇魚蒸至剛剛熟加埋梅菜真係要食兩碗飯㗎。
 
另外我最喜歡食茄子🍆,用蒜蓉蒸熟之後加埋甜豉油落去好味到飛起喔!
飯後甜品係喺商場Pop-Up Store買咗三粒糯米糍各$15/粒,味道分別有紫薯,芒果及榴槤,看上去外皮就透薄了。

呢個紫薯糯米糍就大件事啦!一食落去酸的原來壞咗,浪費了我$15呢👿!以後都係唔好信呢Pop-Up Store!
不過榴槤糯米糍就好好味,糯米皮好煙靭,內裡的榴槤餡很足而且好香濃真心覺好味。
另外芒果糯米糍亦很飽滿,厚厚的芒果肉都很香甜絕對吃得過。 
最後就係尋日清麗村姑又有新收成,還相約了我去食午餐將她的有機寶貝送給我呢!
我恨咗成年的金菜頭終於{長大成頭},等我好好咁欣賞你先遲點再為大家送上它的艷照😁。
而每次她也會帶給我喜歡的薄荷葉,因為我喜歡用嚟沖清新嘅薄荷蜜糖梳打特飲🍹。
這些羅馬生菜就緊要啦!係我一手一腳將菜苗放落田,現在茁壯成長到我懷抱了!

最後還有少許皇帝菜聽她講佢自家種嘅皇帝菜味道十分濃郁,唔知我食唔食到呢?因為我唔敢食蓎萵菜㗎但平時街市買的皇帝菜我就喜歡吃。

27 2月, 2017

九豪

十年前還在地產界打滾的時候我便是在*九豪*區工作,所謂九豪即是九龍豪宅區,不過時至今天我覺得九豪區已經唔止九龍塘,畢架山,附近的地方 ,現在我覺得已經延伸到去九龍灣也同樣有九豪的感覺,好像這天我到 九龍灣{高銀金融國際中心}內的江南庭敘真的讚嘆香港竟然有老闆肯這樣堆砌這幾間極具規模的餐廳。
這天來到江南庭敘吃的是火鍋,皆因之前聽見好友來吃過大讚質素不俗👍,而且這天只得十鬆D度啱曬叫班院友出嚟聚一聚啦😂!
先選了{招牌鴛鴦鍋}$118分別係清湯牛腩及秘製沙嗲,這兒的沙嗲味道香濃惹味😙,很適合我這個重口味的人。
火鍋指定動作先混一個惹味靚醬,生蒜,炸蒜,蔥花,辣椒加埋沙爹醬簡直係重口味之作呀😋!

第一樣上枱的是超大隻吸水象拔蚌🐘,蚌片肉質鮮甜爽脆,而象拔蚌條則咬口滿足,另外別忘記吃象拔蚌膽喔!其實最鮮甜係這個部位車媽媽超愛吃,不過膽固醇高的朋友看看便好了🙊!
再嚟沙巴龍躉🐟超級新鮮的龍躉肉咬落去彈牙到不得了,而且鮮味十分之夠,好明顯係海魚才有這種質感和味道,我覺得呢條魚$588絕對值回票價呢!
本地手切肥牛🐂$328車媽媽不吃牛沒評價,但係朋友們吃過無不稱讚相信絕對係靚貨,另外還有一份牛白肉$128我唔記得影呢!聽聞這個牛胸白玉吃下好爽脆,而且沒蘇味攪到我心思思想試呢!
精選豬拼盤🐷$288內裏包含了豬膶,豬肉青,豬頸肉以及少有的豬脷👅,當中以豬潤最為突出入口粉嫩,膶味十分濃郁灼至剛熟吃下性感迷人,另外豬肉青亦是心水推介入口彈牙到不得了,肉香味亦十分充足,大家記住要試喔!
另外還有響鈴$68和炸千層腐皮$68,前者炸得鬆脆香口,後者更加是索味使者,吸盡沙嗲湯底後好食到令人飄飄欲仙耶~
當然唔少得炸魚皮啦$68,質地都算香脆不過未係我食過最好正的,另外還有多菜少肉的韮菜餃$78及四寶丸$98和數款蔬菜(這夜玩得太開心影漏咗)。
最後要特別推介這個{稻庭烏冬}🍜$68,用上乾身的烏冬放落湯內不消一會便能變出一碗香滑富彈性的沙爹湯烏冬,臨尾嚟一碗才感完美滿足。
好似好耐冇見過有飯後生果呢!西瓜🍉清甜,哈蜜瓜🍈亦爽甜唔錯唔錯!
這班院友聚埋一齊又怎會不吃甜呢!我哋叫咗{南北杏燉雪梨}$38,{楊枝甘露}$38,{木瓜燉雪耳}$32,{薑茶湯丸}$32,{擂沙湯圓}$32。
當中我就好喜歡這個木瓜燉雪耳,微甜的糖水加上爽口嘅雪耳,又唔會太甜清潤又好吃。
另一樣同樣喜愛的是薑茶湯丸,薑味都幾夠湯圓又圓又大,內裏的麻蓉餡十分香口很好吃喔。
吃飽飽後我哋仲八八啩啩走咗去睇人哋嘅中菜廳同法國餐廳,這個皇御園中菜廳,唔係金碧輝煌但亦極具有氣派,在這兒晚飯相信感覺很不錯。


另外法國餐廳Le Pan門口亦同樣氣派非凡,一踏進餐廳第一感覺很浪漫係Fine Dining一流之地,紫白相間的顏色絕對係車媽媽最愛,嘻嘻這兩間餐廳我都密謀要再來品嚐。

26 2月, 2017

素人好易做

車媽媽好喜歡吃韓國菜,好記得廿多年前香港韓國菜館真的少之又少,最出名應該就係尖沙咀的{滿拿韓國燒烤},那時第一次去吃真的覺得十分過癮,滿場煙霧迷漫好有氣氛,依稀記得那時候餐廳湯同飯都係任食呢!真係好鬼抵食架。


今時今日食韓國菜就Easy啦!週街都係韓國菜館,炸雞店,傳統韓國菜館掌,要吃什麼韓國菜都有得揀,好似我今天來這間The Joomak食韓國素菜,這一味真係坊間比較少有!
不過今日竟然被麗星郵輪遮咗個海景呀!不過又另有一番景象嘅,咪當自己去咗郵輪假期囉😁!
這杯叫做{巔峰狀態}🍹$58個名好激動喎!
這杯巔峰狀態係由羽衣甘藍🌿加菠蘿汁🍍打成的,入口微甜好清新喜歡波羅的我當然十分之愛飲啦。
巨量的一份{健康藜麥沙律}🌿🌾$128,配上那個汁醬好特別,係柚子味的麻油吃下味道挺特別的。
這個沙律內有菠菜苗,火箭菜,羽衣甘藍,香甜芒果肉以及熟透軟滑的牛油果材料認真豐富,而這個組合又確能擦出火花來🎇。
{炸紫薯🍠$58這個紫薯片味道十分出色,外層炸得香口不油膩,內裡紫薯軟糯香甜,真係越食越想食好難停口呢!


{韓式素肉卷}$98還記得第一次來這兒吃過飯卷好好味,果然連素飯卷亦都做得十分不俗,內裏包裹著點素肉及杏仁片,吃下好香口飯粒有咬口唔過硬味道也很不錯呀!


{韓式甜辣素炸雞}$118紅色甜辣醬包裹著其實係有點像我哋中式的麵筋既素肉,味道吃下去跟甜辣炸雞沒分別,不過呢個齋雞就要趁熱食會比較好啦!

{雪糕焦糖爆谷}🍨$78雪糕吃下都幾軟滑,添上焦糖漿後都唔會太過甜,另外焦糖爆谷絕對係點睛之作,香甜脆口十分可口,大家好快便可餐廳三月份便會推出喇!