19 12月, 2016

吾頭可斷,髮不可亂!

吾頭可斷,髮不可亂🙆!在龍麵館 Dragon Noodles Academy的洗手間出現這名句,看得我在內哈哈大笑,嚇得剛進來的侍應妹妹花容失色呢😱!這是我在這餐廳的爆笑經歷,還有華而有實的美食,整頓餐也吃得我嘴角充滿喜悦喔。


一踏進餐廳便見門柄的裝飾用上雙截棍,以及龍鳳大禮堂的金龍裝飾,懷舊的感覺即時湧現出來了。


門有雙截棍內亦有木人樁及櫻槍作出呼應,不論葉問好李小龍也好都並唔係東亞病夫呀!


另一邊廂用上涼茶鋪的裝飾模樣,放上餐廳供應的茶品,那兩個放涼茶的金鼎造型傳神令人驚嘆呢!
而餐廳盡頭位置有兩個私隱度較高的VIP檯,用上百子櫃作裝飾,喜歡靜靜吃餐的朋友可以選擇這個位置。
而餐廳內的不少舊式的用品作為擺設,例如有痰罐和銻托盤等。


餐廳其它方面亦玩味十足,濕紙巾都做到安全套的模樣,我跟甜魔媽媽還說笑將這個濕紙巾放入老公袋口,然後扮發現整蠱他們呢haha😏~
車媽媽係一個充滿壞習慣的人,雖然天氣已經涼咗好多,但係我都係需要冰凍的飲品🍹。
我點咗{荔枝大紅袍}$29仲係free Flow好鬼抵飲㗎!用上小時候最怕見到嘅咳藥水樽作容器,雖然我嘅感覺有啲驚但係其實都是不過是茶嚟啫!
而另外還跟有荔枝同冰的Cocktail杯感覺即時提升,而茶味一點也不澀還帶有淡淡荔枝香氣,確係十分之又好飲又抵飲的選擇。
頭盤{藍莓冬瓜}$69造型像一棵葡萄般精美,半熟冬瓜粒用藍莓醬汁醃製而成, 瓜粒爽脆充滿藍莓香甜味道,開胃迷人😊。
接下來看見侍應生放了大銻盤在我們檯旁,原來就{京城即燒片皮鴨}$499已經可以熱辣上檯了,用8星期大的北京填鴨來古法泡製,最特別係另會配上8款醬汁,蔬菜一齊來吃,又真係好鬼精彩喎!
師父會將全鴨分成三款造型,首先會片出金黃香脆鴨皮,然後就係皮肉相連的鴨肉,最後便是淨肉,三款食法都好有自己的性格呢!

而最特別嘅就係師傅會建議客人用黃糖點鴨皮來享用,這樣的吃法有助減低油膩感,但又不失香氣好邪惡呀!不過真係好好味我忍唔住食咗兩件才罷休!
而淨鴨肉就會配上生蒜蓉,不過如果不愛吃生蒜蓉的朋友或者未必接受到了,因為都幾辣口的,但車媽媽就勁like喇,加了生蒜後鴨肉變得更精彩,肉質嫩滑多汁,香而不騷。

最後這款皮肉相連的鴨肉就當然耍用荷葉餅加青瓜條,蜜瓜條,京蔥絲同紅菜條同吃啦,蜜瓜條的作用真不少🍈令成件事清新多了,再配合甜鴨汁一齊享用真的滋味無比呀。

荷葉餅軟熟不乾而且餐廳好貼心用上牛油紙將之分隔,令客人易於取用,見微之著很貼心。💗
而點心我哋選了賣相妙絕的{龍蝦蘿蔔酥}$69/件(兩件起),龍蝦酥用本地青龍蝦肉,加芫茜同馬蹄造成,橙色的酥皮是用甘筍汁做成 外型真的跟一隻新鮮龍蝦沒兩橡樣啊!
 一口咬下龍蝦蘿蔔酥質感酥脆可口,內裏粒粒鮮甜龍蝦肉咬口超爽,真的可口非常呢!
不過令我更加驚喜嘅係呢碗{龍肉湯麵}$149,蘭州拉麵係即場在客人面前拉成,除了可以用嘴巴欣賞美食外,還可用眼睛欣師傅拉麵的功力。
而湯底係用波士頓龍蝦及三款海魚🐟,蔬菜🌿同白蘭地🍸,用慢火煲足五小時得來的,那口湯真的鮮甜到不得了,而且絕對唔會有苦澀味,而湯麵仲可以選唔同的龍蝦配料,例如龍蝦鉗,龍蝦肉餛飩或者香烤龍蝦尾,我哋就揀咗啖啖肉嘅龍蝦尾,貪其爽彈又鮮甜,而且拉麵質感富咬口,呢碗麵絕對值回票價,大家一定要去試吓呀😋。
跟住我還有這個{啤燒元蹄}$399,看上去的這餐具已知道賣相極像西班牙炒飯,但係用中式嘅材料泡製,元蹄用本地的手工啤酒慢煮24個小時得出來,大家想像到有多淋滑嗎?
有一點令我十分佩服的是大廚竟然用石榴和菜飯配這元蹄,出嚟嘅效果係十分驚豔的😍。
元蹄肉質已被啤酒去油軟淋而沒散爛感覺,味道方面亦都十分香甜,帶出了啤酒槐花味,吃得我十分滋味呢!而且飯內有粒粒石榴籽帶出酸香味,吊起晒肉香,師父的心思我明白了!
還有這個精緻的{花拳秀腿}$99用娃娃菜雕成花形,再燉煮45分鐘加入香口櫻花蝦作伴,賣相都已經係贏盡口碑啦!
不過我就比較喜歡吃淋身的娃娃菜,但喜歡食爽口菜的朋友應該會十分喜歡這個花拳秀腿的。
最後還有邪惡的{桂花炒素翅}$119,這個百多元的菜式竟然係堂弄給客人,內有八種配料鹹蛋黃,素翅,蛋花,芽菜,肉粒,蟹肉,蔥花及蟹籽,真的未食先興奮。
侍應在我們身旁即時堂弄,見她沒有落一滴油炒出末又唔黐底,手勢十分純熟,三兩吓手勢已完成上檯了。
素翅炒得乾身又爽口,內裏有很多新鮮蟹肉好鮮甜,而且鹹蛋味好出,不過我就覺得有些重口味咗丁點!
到最後當然唔會放過呢度嘅甜品啦,鹹點已那麼出色對它的甜品都十分期待喔!我就點了要刃功十足的{千葉豆腐}$59,另外幾位好友分別揀咗{意式芝士餅}$49,還有{椰子樹雪花}和{麼麼茶雪花}各$39。
{千葉豆腐}賣相絕美成花型的豆腐入口滑溜,配合幽香桂花杞子糖水,令人不捨吃掉它呢,車媽媽誠意推介大家要去龍麵館一試呀💁。