09 12月, 2016

好吃到發燒!

話說這夜到FRITES Belgium on Tap吃好味到發燒的青口,點知車媽媽那夜名副其實真的發燒了!😷
一上到餐廳見到這英姿颯颯的狗擺設好有氣勢呀!比利時D狗係咪隻隻都咁英架!不過我還是喜歡寸咀的車車hehe~🐶
發燒要飲D凍嘢先得{Frites Sweetheart}$55,用紅莓,蘋果和蜜糖調成,入口香甜充滿果香,最啱女士們口味。🍹
好友點了枝St.Paul🍺,好喜歡餐廳配上品牌酒杯,聽聞這兒供應過二百款啤酒,當中不乏一些獨家代理的呢!
有美酒那要點頭盤配襯吓先,{Camembert}$135,從來喜歡食芝士見到這客酥炸的Camembert即時流口水呢。😋
咬開香脆嘅芝士粒後,內裡半溶的流心芝士多誘人呀,怕油膩更可點上紅莓醬同吃增添清新口感。
{Mussel Pots Frites House Mussel}$385/1KG餐廳嘅招牌菜青口當然要試啦!隨青口附上香脆麵包🍞及炸薯條🍟,好大份好抵食喎。
果然係招牌菜青口質感軟滑,加上洋蔥,什菜,香料煮的香甜汁醬確是迷人啊~
不過{Laksa}$235/0.5KG就更為吸引了,微辣香濃的喇沙十分惹味,跟原味又是另一番層次,好吃得我用薯條及麵包不停點來食。
到主菜出場了好豐富的場面是嗎?等我逐一為大家介紹啦!
{750g Roasted Pork Knuckle}$245,豬手從來都是誘人之物,這兒的出品皮不算十分卜卜脆但肉質就超juicy,而且味道不會過鹹,墊底的蔬菜新鮮入味,份量又超足好抵食呢。
{Fish & Frites} $195,熱脆薯條香口非常點上邪惡的沙律醬真的好吃得停不了口,而炸魚我略嫌未夠香脆,可幸魚肉尚算紮實。
最後一份主菜{Seafood Linguine}$245,份量龐大的扁意粉口感al dante,汁醬恰好掛麵,味道香濃滑溜。
內裡有大蝦,青口等海鮮,當中青口比Mussel Pots的更加鮮濃可口,好鮮甜好軟滑呢!
這夜須則發著燒來品嚐,但也十分欣賞餐廳出品,希望下次精神爽利再來嘆一次啦!😋