掃街

噚日又天黑黑長洲之旅又要取消到兩點都未落出雨倆口子條為食筋又蠢蠢欲動好出去掃街,第一站太子金華食菠蘿油,西多士之後喺花園街食出名嘅生菜魚肉同碗仔翅行吓街消化一吓繼續行落旺角食肥姐滷水墨魚&生腸同腎超爽脆又入味勁正呀不過以上都無影相因為太(big)了再行落油麻地去$12蚊店掃貨見到一款相架超靚只售$12蚊一個即時掃咗兩個4R&兩個5R,唉返到屋企後悔唔買多幾個因為拆咗包裝仲正呀,行到筋疲力盡又係時候充電去到油麻地你哋估吓我哋會食乜呢?登登登登係我從小爸爸就帶我食嘅豬骨粥同蘿蔔糕之後就係煲仔飯梗係去四季啦不過水準下降咗冇乜飯焦,餸都少咗不過佢都仲係抵食嘅只要$27就食到都ok啦,重頭戲係去貴花甜食火焰雪山果然係攞獎甜品超好味車爸爸叫那個粉紅兵團都好正架大家不妨試吓啦,今日真係大大滿足呀