蝦兵蟹將

22/5辣局再成不過呢次去嘅係粵菜蝦兵蟹將

位處於銅鑼灣方便易找,菜譜好精緻食友未到整店員不停遊說我們吃龍躉翅,鮑魚呀咁都好進取 

甫坐下見店子掛滿名星相片心裏一沉~ 

地方好細6-7張檯加一間廳房~ 

送的小吃欖菜豆角冇咩欖味~ 

先來涼拌貓耳朵算爽脆味道也可以醋味不搶喉不過唔係全碟都係耳朵囉~ 

陳醋骨我跟Oli略嫌不夠酸肉質尚算juicy但我愛配菜蕎頭和車厘茄多些呢!! 

水煮石班片香味係有嘅但食落麻辣都不夠班片都有鮮味內有小量青瓜,芽菜,木耳和薯粉,我喜歡水煮魚用椰菜多於青瓜因為更索味呀,其實吃過臥龍莊後真係未揾到一間水煮魚好吃過它!!

辣酒花螺味道怪怪的螺肉不新鮮之餘那辣湯亦冇做到份內事不香也不辣失敗之作!! 

啫啫通菜煲大家見到菜葉嗎?我個人愛食全條通菜囉~味道方面係全晚最好的鹹香蝦乾加上剛好的調味好吃,這菜我自己常炒到發黑席間問到大家有冇辦法解決可惜冇人解答到,原來劉總靜雞雞幫我問了數間名店總廚方法whatsapp了我實在太感動又窩心一個師拉仔的小問題要勞煩你操心...好朋友多謝你呀^0^

蝦兵蟹將炒飯~等了良久才上檯炒飯未夠乾身味道也沒甚特別普通炒飯一碟吃兩匙便放棄了~最慘係兩位食友都咬到飯內異物"扑"的一聲連坐喺隔離的我也聽見~研究完都不知為何物,最後連想叫的雞都話售罄不過係食到一大半才通知當然不再加菜啦我趕快地跟Oli去下場揾位去~

全晚的經歷後還是覺得你最好~