富士山55

我從未踏足日本但對日本美食絕無抵抗力這夜好友們話帶我一嚐來自名古屋的富士山55食它家好特別又有驚喜的沾麵,心想有幾特別又驚喜呀食拉麵咋喎??店子須在銅鑼灣區但並非中心地帶就在富豪酒店對面好易找到偏偏這點我更為愛因為我怕人多擠擁的地方^0^

店內環境算闊落坐得頗舒適呢 !!

牆上貼著期間限定的拉麵這些款式係要日本總店認可才能推出市面架,日本店人員更不時飛來香港QC真佩服日本人那份認真和堅持~

師傅亦係正宗日本人工作時很認真好Man 

見檯面放上幾款調味料最特別係昆布醋大家食濃湯拉麵時有時都會覺油膩這醋一下湯頭便可一飲而盡,最尾那罌係類似雪菜試了少許好吃到不得了鹹香俱備吃清淡拉麵時加少少一定更加滋味~

圖文並茂唔怕不懂如何吃沾麵及之後的小驚喜芝士雜炊即係芝士飯~

愛辣的我叫咗辛辣沾麵$88備有小,中,激辛本想叫激的但店員話都頗辣咁試個中辣啦,有兩片給煎香叉燒不過我愛偏肥的呢個啱晒怕肥的朋友呀,半個溏心卵我呢隻熟了少許,爽口入味竹荀及一角青檸~

特別之處係檯面裝嵌咗IH爐給好像我愛勁熱湯的客人超貼心又特別我呢個大鄉里還是第一次見~

配16號幼麵特別要硬麵師傅做到了我要求好好咬口,辣湯香濃惹味絕對係我杯茶不過我下次要去食激辛因為未夠辣呀~我果真係辣媽來的~

接下來便是驚喜位原來加$20便可享一客日式芝士雜炊店員先將飯放入沾麵湯內再加入芝士加熱

一碗熱辣辣香噴噴的日式芝士雜炊便誕看那拉絲的芝士已口水爆流呢!其實客人可自己泡製架亦可由店員代勞~

味道充滿香濃辣湯味不過確實有點霸道蓋過芝士的香氣我建議配較清的湯底比較合襯,但愛煞這辣湯的我就喜歡到不行~

友人叫的名古屋撈麵$88味道帶甜好啱炎炎夏日吃喔!!

另一碗係季節限定牛介沾麵$88朋友好誇張叫咗三倍半熟蛋但他的蛋就比我那隻溏心得多啊~這款配9號粗身拉麵超級好吃比16號更加好咬口更加吸引呢!!

牛介湯內在D牛肚,牛腩,口豬腸怕羶的我試了少許湯嘩~好好味呀冇羶味之餘還帶著麵豉香味,吃一口豬腸又淋又入味真不錯啊~ 

試埋雞軟骨棒$28/2串有三款口味燒汁沙律Wasabi沙律和燒芝士味咬落啖啖肉燒得香香食完麵後都係唔錯嘅佐酒小食~

最後忍不住叫埋另一款清新期間限定柚子素麵$78呢個用上超幼白身拉麵絕對係為素食者而設,吃下沒有9,16號拉麵的咬口但就清香滑溜加上配合多款蔬菜怕肥的朋友必定大愛~

店子更有紀念杯及包裝沾麵賣我都帶了一包回家請車爸爸吃呢~