The Place

多謝甜魔媽媽邀請我去返新不久的The Place吃了一頓超豐富的自助晚餐我還是第一次到此,樓底夠高空間感一流用餐位置很舒適連消音亦做得好好就算爆場也一點不吵~價錢方便星期日-四成人$588小童及長者388,五,六成人$628小童及長者$428仲有8折用餐時間為18:30-21:45預告大家真係超抵食架^0^

睇下有咩食先生蠔看得到肥美新鮮~

冷盤區:龍蝦,蟹腳,鮮蝦,青口,小龍蝦睇見都流口水~

日式方面有即制手卷用料可選海膽,三文魚,玉子,飛魚子,吞那魚及蟹棒還有D壽司卷物可供選擇~

刺身:吞那魚,鱆紅,立魚,帶子,魷魚,甜蝦及三文魚款式頗多梗有啱口味啦~

麵包沙律cold cut一應俱全~

芝士都有5款之多~

我已盯上那芝士蒜蓉醬了~

是日燉湯鮮淮山玉米燉唐排~

燒味部據公關透露係明閣出品大家咪走雞啊~

即煎鵝肝巧邪惡但大大件兼厚切真吸引~

熱葷區選擇不算十分多但應有都盡有魚,肉,菜還有我miss咗嘅西班牙海鮮飯~飲恨

甜品區勁精彩淨係朱古力噴泉都有兩款正常朱古力味和綠茶朱古力Matthew仔勁開心全晚不停吃~

日式菓子好美麗~

即制豆沙銅鑼燒好吸引

仲有豆腐花,紅豆沙,麵包布甸唉呀呢次爆硬肚了~

仲有8款movenpick雪糕點揀唏一於食晒8款啦haha~

中央有個類似大蓮蓬的飾燈好清雅地陪我們進餐呢~

有機汽水菓汁$35-$45不等最特別莫過於有機可樂和有三種甜酸度揀嘅蘋果汁~

我揀最酸的一款有機蘋果汁味道好啱我酸中帶著甜味蘋果幾好飲~

兩位美少女乖乖坐下開飯~Matthwe男神今晚勁high滿場飛可惜我忘了影他澎湃的吃相~

第一碟先吃沙律煙三文魚貨色不錯沙律菜亦新鮮好開胃~                                                                                                         

一早盯上海膽手卷紫菜脆卜卜海膽有鮮味不苦如果唔係仲有咁多嘢未食真係想再來一件喔~

剌身吃了帶子和鱆紅前者鮮味十足後者亦充滿魚油香好回味~

看多誘人的龍蝦雙拼有充滿橙膏的開邊龍蝦肉質爽口及我愛吃小巧鮮甜的小龍蝦the place做得好好海鮮絕不死鹹~

蠔癡當然要吃生蠔啦三字形容鮮~甜~脆~大家明白啦,仲有我大愛嘅ham用我認為最夾的鮮菠蘿同吃真係好味到靈魂出竅(有那誇張嗎?)仲有一早盯上的芝士蒜蓉醬配克力架香滑嘅但蒜蓉味未夠出似有還無的如重點便更正~

明閣燒味我試了燒鵝多得甜魔媽媽出動香蕉眼取回燒鵝脾呢味道好不錯皮還脆口的坊間buffet少見的出色一定要試呀~

我已戒掉這邪惡之物香煎鵝肝師傅即席堂弄如比車爸爸見到必定口水爆流~

生蠔真係令我不能自拔雙腿總不自覺走去再取haha~

食了那麼多冷吃飲碗熱辣辣嘅茴香大蝦忌廉湯有淡淡茴香味香滑好飲眼見Chloe妹妹也飲咗成碗好欣賞呢~

提提大家每晚20:00有刺身師傅即席劏原條三文魚~

侍應見我哋有小朋友特意通知話一陣師傅會敲打木方通知食客開始生怕嚇親孩童們好貼心呀~仲要讚下所有客人絕無爭先恐後的狀況好禮讓~

師傅三扒兩撥便將三文魚開掉分給客人~

驚喜陸續有嚟20:30全場忽然漆黑一片我還以為有食客生日原來係要將火焰雪山進行點火儀式~

我都取件試試酒味還頗濃呢~

自家甜品拼盤甜品款式實在太多只好狠心放棄DD精選了這盤每款也樣靚兼有內涵尤其前方的竹炭和士多啤梨小卷蛋表現出色唯獨芒果拿破崙比較失色酥皮過晒氣很淋其它每樣也很味美~

8色雪糕我一次過要晒8味夠貪心喇~我最喜歡青檸檸檬雪葩冇法我絕對係酸味主義者但其實朱古力也很出色喔!!那macaron可以忽視~

我大愛這杯設計飲開凍檸茶的fans應該明白那種高瘦的杯配上大片檸檬會有多難篤這設計盡解這苦惱問題~

仲要一讚新設計方便一人前的朋友還備充電位夠貼心~