漁匠料理

近期同新界區極為有緣繼荷曄庭後這夜來到十多年未踏足的上水和老公覓食路過漁匠見有不少人等位應該質素不錯掛^0^

見到個活魚刺二人盛只售$368內容也頗豐富便決定下單~

車爸爸叫咗楊枝甘露芒果爆珠雪糕特飲原價$30套餐+$10我試了一口味道略甜不過D爆珠好好味,我的巨峰爆珠梳打特飲同樣+$10味道較清爽加埋雪糕喝下不過甜我like呀~

柚子凍蕃茄一向愛食凍蕃的我配上柚子汁更清新juicy~

活魚刺身聽聞今天才返貨套餐今日安排係池魚,味道好鮮這魚比較有咬口配合提鮮醬汁同吃酸微微好吃非常~

壽司四款每樣兩件珍寶三文魚壽司真係超長我將之卷起來吃像花之戀卷一樣,劍魚壽司質感不錯可惜甜味不足,赤海蝦樣子美麗吃下也不令人失望鮮甜軟糯不過也不及青柚子鯛魚那點青柚子鹽好有驚喜令魚味不輕柔的鯛魚增添香氣~

赤蝦頭麵豉湯蝦頭勁多膏又甘香麵豉湯沒有味精的感覺好喝~

南瓜天婦羅炸漿輕薄成品不油膩南瓜香甜差點搶埋車爸爸那份~

金菇牛肉卷須然我吃不到牛肉但真係香氣撲鼻,車爸爸不客氣鯨吞4大件牛肉可幸內藏的金菇菜不羶我都吃了兩件真係超好味耶~

主食三選一我哋揀咗薩摩軍雞肉鍋配烏冬上檯時我嘩了一聲,原來係爐上還跟上一大籃蔬菜十大件生雞肉和烏冬一碗,看那豬骨湯已食指大動呢~

雞肉食落嫩滑跟豬骨湯很合襯~

蔬菜嫩綠清甜烏冬也是靚貨滑溜又彈牙,吃罷才驚覺這套餐相當飽肚(初時還擔心車爸爸不夠飽呢)

見很多客人order大根鵝肝$45車爸爸又愛食便叫一客給他,用上兩片味付蘿蔔夾著煎香鵝肝我試了一片蘿蔔入味清甜而鵝肝據車爸爸講味道濃香這配搭很嶄新不錯~

初時怕不夠飽補了幾款串燒這兒會跟上小炭爐給客人加熱串燒喜歡香口D便可燒焦點~

先來煙肉蕃茄仔$32/2串將煙肉燒至出油一口吃下蕃茄汁在口腔四濺好過癮呢,燒鰻魚串$58/2串從來鰻魚係我首選這兒貨色不錯沒腥味魚肉札實送來時已掃上鰻魚汁略為燒香魚皮已好吃非常^0^

燒珍寶帆立貝$38呢個係生上附有牛油溶液,即燒帆立貝鮮味十足生熟度自己揸主八成熟剛剛好~

鹽燒虎蝦$40/隻個子很大的虎蝦炭爐也不夠放,上檯時巳燒熟略為加熱便可鮮味係不俗嘅但肉身未夠札實~

溫室蜜瓜紅荳巴菲$88這個供應有限我入座時只剩兩客即時留起一份,蜜瓜清甜爽脆可惜未夠冰凍不過配埋紅荳和雪糕都係消暑之選~