任性晚餐

車爸爸話請我食飯哈哈一於任性一夜豪擦日本菜啦喇喂^0^

揀選石亭居酒屋地點便利在尖東站一出行兩步就到~ 

 一般居酒屋特色坐得比較親密，但我愛這種舒適又不拘緊環境進餐~

 秀麗粉筆字令人每樣也想試~

先來前菜係長芋$20/位,師傅用山葵醃製過後在爽口中帶出輕輕微辣沖擊味蕾~ 

鮟康魚肝拼鱈白子$128兩款也是我心頭好呢鮟康魚肝甘香黏口那口感真的很銷魂,鱈白子軟滑清香亦好吸引~

刺身揀了北海道海膽$480那份鮮甜深深烙印寫時仍在回味,北海道白貝$128爽口彈牙好夠鮮味,吞拿魚腩$100/件~平時不愛吞拿魚的我也為之著迷滿口魚香又冇筋令人神往,金目鯛$480伴下圖配料及酸汁同吃吊起鮮味來會比淨吃吸引,珍寶牡丹蝦$88/隻~兩食蝦肉巨大質感軟糯夠鮮甜我最愛這口感~

 剛才牡丹蝦頭的膏製成二食蝦膏壽司甘香又邪惡^0^

南瓜天婦羅$15,花竹蝦$68,舞菇$20目光魚$38,毛茄$15價錢為一件,當中我最喜歡花竹蝦天婦羅蝦頭炸至酥脆全部可吃下蝦身爽口彈牙最重要係炸漿不厚重亦不油真的不俗而毛茄也是我的菜車爸爸就食到樣都衰埋haha~

最後叫多幾款串燒露荀豚肉$58露荀青嫩多汁超好吃,車爸爸的和牛串$88/串他形容為入口即溶喎haha,雞腎$48這個比較有牙力之士才好叫呀因為外層係較煙韌好彩我有食力啫~

行去搭車時車爸爸見到靚女即時去抄人牌真大膽哈哈~原來係某啤酒公司的推廣還扮鬼扮馬影相留念幾十歲人仲咁貪玩冇佢修~