嚐鮮

近期心情不佳應該係天氣嘅錯吧!!車爸爸為博老婆一笑決定請我去食大餐當然去食我最喜歡的日本菜喔^0^記得上回跟友人在鉄人旨花吃過一場美味Omakase留下美好印象今趟要試埋店家的鐵板燒喔!!

清雅的環境吃日本菜必備這兒合格有餘~ 

是晚挑了A5和牛龍蝦二人前$1588,車爸爸愛牛我愛海鮮各取所需perfect match^0^

沙律:香滑豆腐醬野菜沙律亮點是那豆腐醬質地滑溜豆味極濃清香味美大愛之^0^ 

前菜:明太子蕃薯蓉明太子鹹香兼夾卜卜脆配搭軟綿綿香甜蕃薯蓉又頗登對噃!! 

這夜多謝Joe師傅詳盡介紹食材令我倆獲益良多更落力烹調美味的晚餐~ 

先上場係銀鱈魚配西京味噌醬~ 

師傅將銀鱈魚燒香加上火焰效果真係色香味俱全~ 

魚皮燒至香脆魚肉嫩滑點上味噌醬鮮香誘人~ 

跟著係我最愛的海鮮之一龍蝦貨源來來自太平洋師傅表示那裡靚仔便入貨有時也用南非貨視手質素而定~  

個子不少的龍蝦好期待吃那結實而爽口的龍蝦球,師傅邊煮我邊狂吞口水呢!!

用海膽牛油作為調味一點鹽花也沒須要只吃到鮮,爽,甜真令人欲罷不能地一件接一件的放入貪吃的嘴巴~  

吃過兩款海產後為我倆送上蕃茄凍湯味道酸甜清香洗滌貪婪的口腔(真的有點不夠喉喔!!) 

車爸爸Favorite一人獨享的A5黑毛和牛呢度足足200g今次佢仲唔大滿足^0^ 

煎野菜係最原汁原味食法尤其翠肉瓜加點香草醬同吃真的清甜多汁耶~ 

見他吃完一件粉嫩和牛後那滿足的笑容便知他有多滿意當然啦那件黑毛和牛係日本直送的新鮮貨絕非雪藏貨可媲美只須點少許岩鹽便輕易嚐到鮮味,不能吃牛的車媽媽看得口水流流喔!!

龍蝦清湯正好調整車爸爸滿口牛香的味蕾!!  

炒飯師傅用煙肉配甘荀粒蔥花炒出粒粒跳躍的米飯香口不油膩好吃^0^

最後甜品來兩球抹茶及咖啡雪糕無憾了!!