超級無敵好味蝦子麵

早兩日去九龍城打邊爐順便去陳明記買蝦子麵,點解要去九龍城咁遠買因為它家的蝦子麵真材實料價錢又合理最緊要係味道真的超卓,車婆婆好喜歡食蝦子麵連帶我也愛上可惜近年不易買到滿意的見blog友EE介紹便老點車爸爸去買吃過一次後回頭太難車婆婆也很滿意喔!!
今次親身上陣去買平時食$52/斤今次知道有隻新貨特級蝦子麵$80/斤當然要試試咩質素啦~
晚上車爸爸煮了兩個來吃我通常用兩飯碗水煮起後撈麻油及蠔油碗湯就加少許鹽飲但呢隻特級蝦子麵我奉勸大家乜嘢調味也不要下因為那蝦子真的香到頂點而且夠晒鹹極其量放點麻油落去撈麵已好味到癲吃完麵呷一口濃湯真係滿足到爆啊~
買完蝦子麵時間尚早走去蘭英印尼小食整串串燒先本想食豬肉串可惜賣光唯有退而求其次食豬頸肉啦~
我真係好為食竟然食完也記不起影張相嗱嗱嗱一千零一串熟肉就係我串豬頸肉喇haha多年沒吃水準依舊熱辣辣的豬頸肉邊位焦脆那香滑沙嗲汁絲絲入扣$11/串都覺值回票價~
轉角走去7仔買飲品比我遇到它純萃。喝臺灣紅到來香港得番最後一枝茉綠奶茶$12.9其實有台灣食品店有賣不過冇7咁平起碼$18枝,味道方面茉莉味出色帶點幽幽綠茶香氣質感絲滑偏甜都幾好飲架大家見到都買枝試試啦^0^

留言

  1. 你有冇食過元朗好到底蝦子麵呀? 我覺得都幾好味啊!

    回覆刪除
  2. 大鄉里嘅我未去過九龍城呢!^^"

    妳形容到個蝦子麵咁正,攪到我都心郁郁想食蝦子麵添,而我平時係麻麻地呢味嗰喎!

    回覆刪除
  3. 去台灣時,飲過呢個品牌o既奶茶同咖啡,好正喔,呢隻味係新出的嗎﹖

    回覆刪除

張貼留言

熱門文章