掃街日

有一日挑起條掃街癮街邊沒法掃那退而求其次喺太子邊行邊掃吧!!

一出地鐵站便見到這間Oscar Bakery看見剛出爐半熟芝士撻標榜89度低糖兼5重法國芝士,講到咁勁唔係唔試吖嘛!!

售價$18/隻~外貌挺討好可惜{金玉其外,敗絮其中}

先講芝士餡完熟就有份何來半熟,味道偏酸得來芝士香味也不足,撻底更是鬆化不足亦沒甚香氣,絕對係只此一次比起龍島的更差,真係超級失望!!

之後去旦王食我吃過之中最掂嘅韮菜豬紅蘿蔔,今次終於試埋酸辣粉呢^0^

店子很貼心在店旁有個立食鋪位供客人吃東西~這個很重要如沒這設施我絕不會在街邊食有湯的食物呢~

{重慶酸辣粉}要就就車爸爸叫了小辣,份量十足有大量炸菜,花生味道也算香濃口味偏酸,薯粉有點過淋整體不算標青~

{韮菜豬紅蘿蔔}每次食也十分滿意豬腸有它應有的腸香,蘿蔔清甜無渣,豬紅滑嘟嘟,韮菜灼至剛熟甜美好吃,成件事美好非常只須付出$24便得以品嚐,真是百吃不厭喔!!

行過很多次泰廚泰國菜館見門口有串燒味道好像不錯,今天有車爸爸一同分享可以買兩串試試喇~

大大個招牌泰國正宗沙嗲$12/串,燒緊那位亦係正宗泰國人呢,好有期望祝^0^

要了雞肉和豬肉各一串,見到還有燒雞翼,牛肉串等等種類不算十分多~

先嚐豬肉串,先講沙嗲汁辣味不夠味道偏甜像印尼風味多點,而豬肉超肥美我吃兩件也是肥豬肉,真係麻麻哋!!

{雞肉串},肉質完全沒咬口直頭係霉肉,真的中伏了~這店的串燒算了吧!!