深"德"我心

ATV對我來講說得上喺我跟車爸爸的一個美好回憶地,事關我倆的紅娘J小姐在ATV工作,一天她說約了一班同事去唱K叫我一起去玩就係咁我便認識了他繼而拍拖結婚,為何說起陳年往事因為這天我們三個女人連同MC小兄妹來到前ATV S小姐有份投資的Schnee German吃一頓很滿又深"德"我心的德國菜午餐^0^
銅鑼灣分店開了約一個月,對我嚟講地點比筲箕灣分店更添便利^0^ 
透光的空間最富正能量,加上這天陽光普照更令胃口大開呢...嘩好肚餓啊!!
一入到餐廳見放有自助沙律吧及餐湯~好明顯今天吃可吃semi-buffet啦嘻嘻,只須叫份set lunch另加$20便可享用沙律吧及即磨咖啡或茶一杯^0^









失策~其實除了上圖各式沙律菜還有凍肉和椰菜花忌廉湯,大頭蝦的車媽媽忘了影相,但吃過亦覺質素不俗架~ 
先來一碟沙律菜醒醒胃,全都算新鮮爽口尤其有我大愛的醃酸瓜和珍珠洋蔥爽脆又不搶喉好好味呢^0^另椰菜花忌廉湯質地沒太厚重輕身得來椰菜花香味頗濃,不是為了留肚吃甜品必喝多碗呀~

天氣太熱飲品當然要凍啦{菠蘿有汽果汁}單點$24喝下不像汽水般甜及多汽帶柔柔菠蘿香味飲得我好冧喔!!
甜魔媽媽的{洛神甜莓茶}單點$28,姑勿論可口否看見這通透的茶具已加分不少呢~ 
到主菜上場我選了{石班柳薯蓉法邊豆伴香草忌廉汁}$98石班柳煎至皮香肉嫩吃得出鮮味但魚皮位置略鹹,薯蓉軟綿不油膩MC勁喜歡吃呢~ 
Kan的{扇貝白酒汁意粉}$68一路誤以為係白汁原來係白酒汁哈哈!Kan慷慨分我半隻扇貝一吃兩眼發光,用的是新鮮貨那份鮮甜味雪藏貨絕比不到的,意粉咬口也合我意呀,這價錢簡直超抵價
為兒為女的甜魔媽媽選上MC喜歡的{燒德國香腸伴酸椰菜}$88我都分享少許,香腸質素正常脆卜卜很可口
大食的我們還叫多隻{德國鹹豬手}$198個子未算巨大,伴有幾角燒薯和酸椰菜~ 
嫩紅的豬手偏瘦但不乾身,吃下豬皮像燒肉般脆口,鹹味剛到肉都幾討人歡喜呢^0^ 
另一款{傳統德國脆薯餅伴烤什菜芝士忌廉汁}$158坦白講我已十分滿足所以只試了少許,薯餅係一絲絲薯絲組成來煎香而成,薯味挺出而且香脆可口味道口感也十分可愛,如果價錢可親民DD更加得人鍾意呢~
甜胃開始蠕動三個女人一人揀上一款上檯時好吸引呢^0^
{柚子芝士餅}$48芝士餅質感實在帶清新柚子味分著吃都不會覺漏~ 
{香焗蘋果金寶伴雲尼拿汁}$38焗得頗香脆玉桂味挺重所以我麻麻哋,但這價位真的平到笑囉^0^ 
最後係{榛子焦糖燉蛋}又係$38點解咁平架,質地較creamy味道也不俗呀^0^

留言

  1. 個帶子意粉呀嘅質素加埋價錢計,真係好抵食呀!:)

    回覆刪除
  2. 嘩, 原來背後有咁sweet的故事, 難怪寧舍滿足 :)

    回覆刪除
    回覆
    1. 其實見到MC最滿足,他們一叫Maggie ee我就暈得一陣陣呢^0^

      刪除

張貼留言

熱門文章