體諒

近期外出用膳的日子多咗車爸爸吃羅家飯次數亦驟減,以下係近來的餸菜一次呈上三天的好煮意吧!!

這個{韓式粉絲脆皮煎餃}我喺{歡迎超市}買的當天特價$3X/2包每包約10隻見它包頗裝精緻即管一試!!

煮法超簡單取出後用油煎香便可內裡除了有韮菜外還加有爽口粉絲味道真的很不錯呀~ 

紅咖哩薯仔雞翼簡單易做又好味,車爸爸愛用咖哩薯仔撈飯他可連吃兩大碗架^0^ 

好友的寶貝君達菜及小許沙律菜只用油快手兜兩兜便可上碟,嘩D君達菜有冇甜得咁利害啊!好吃得我飄飄然呢!! 

另一天的晚餐在街市見到有{海三刀}蹤影愛吃魚的我又怎能放過它吖!!身價不菲的海三刀須則暈咗但也盛惠$20/兩,我這條10兩重用兩條{紅衫魚}換了它回家!! 

蒸起的三刀魚先在背位取起一瓣嫩滑魚肉給"車車"享用,然後才放上香蔥贊豉油熟油,一放入咀吃魚味真的濃香非常質感嫩滑細緻怪不得"車車"不用三秒就清魚啦haha~ 

灼碟小菜芯清清又哋一餐^0^

這一天的吃肥雞餐,買一隻大肥雞蒸熟後將脾翼雙飛切開出來做當天晚餐{切雞粉},雞身手撕了出來留給車爸爸隔天做手撕雞麵晚餐。 

用番雞殼來淆湯真係好鬼香甜但勁多黃油邪惡萬分呀嘻嘻曳一晚咁多啦!!車爸爸更加邪惡因為他要吃河粉,而我還是乖乖選瀨粉吧!! 

點都要吃蔬菜今次的通菜很脆嫩我只係隨便灼熟來吃已十分好味^0^ 

最後一天見街市有大尾魷心癢癢買了一件用來炒西芹這樣罪疚感會少點吖嘛!!須然有點自欺欺人但大尾魷的魔力卻真的誘人萬分,我用上切條方法來泡製吃下煙韌彈牙,而且鮮味超濃"膽固醇"暫且忘記一陣子吧!! 

再整碟麻辣海蜇青瓜好味又開胃,希望車爸爸吃得滿意又開心吧!!