UFO滋味
早年執笠電視台的"羅茲威爾"解剖外星人的節目令我這個UFO迷印象深刻,蠢蠢的我當年還信以為真到尾聲時才晃然大吾{被搵笨了},只怪當年資訊沒那麼發達啦!!時至今天肯定沒有那麼易被"搵丁"~但有朋友話喺紅磡的九重鮮 Steam Fresh被太空船侵襲叫我去探討一番OKOK即刻去看過究竟??不知會否被再次"搵丁"呢!!
到達九重鮮門口巳見魚兒在暢泳,車爸爸曳曳哋捉住了小魚兒的尾巴~ 門口接待處提供傳統韓式衣服供客人穿上拍照留念~
我最喜愛的傳統的韓式餐具,偷偷話您知我家也用這款筷子架^0^
先來係二碟前菜有香辣惹味的泡菜及韓國黑豆,另備三款醬汁,韓國辣椒醬,醬油及酸梅醬供客人點吃,可惜這三醬最終被我丟掉一旁,大家知道何解嘛!!
吃完Brunch的我倆食力有限只能揀選5層上的{首爾塔}$398/位,內容非常豐富,魚,蝦,蟹,貝類及蔬菜應有盡有呢~
從來最愛清蒸海鮮原汁原味吖嘛!新鮮的蟶子皇剛熟時質感柔軟而煙韌味道鮮甜根本不須多餘醬汁,而家明白為何那三色醬汁給我遺棄啦^0^
迷你象拔蚌仔已切成條狀咬口十足,味道咪就係鮮囉^0^
第二重係海蝦和元貝~
海蝦新鮮就必定爽彈,這兒的合格而且蝦肉頗甜美認真不俗呀~
雪白大元貝蒸至剛剛熟一絲絲元貝肉吃落軟淋有彈性好吃得我想搶埋車爸爸那隻呢hehe~
第三重有赤貝和新鮮花尾龍躉,魚肉味不夠鮮甜可幸肉質有還算點咬口吃開海魚的車爸爸不算滿意喔!!
連殼的新鮮赤貝比較少有,仲要蒸熟來吃就更少我自己還是喜歡刺身的質感多點,因為蒸後咬口少了不過鮮味還是得以保留的~
第四重好豐富啊有白鳥貝,沙巴肉蟹及花甲,很不幸花甲有少許沙店員快手的將之夾起來最後另外補上數隻巳蒸熟給我們,態度十分良好令人吃得很開心~
這兒的白鳥貝品質很好肥大肉厚之餘極度鮮味,比起我早前在街市買的好吃得多喔^0^
沙巴肉蟹蟹膏也不少呢,蟹肉亦夠鮮甜得一隻有D唔夠喉囉haha~
最後一重有鮑魚,大蜆及花螺及一大堆蔬菜,易胃痛的我乖乖奉上花螺給車爸爸享用,大蜆我就不客氣了鮮甜沒腥味好味道啊~
鮑魚係九孔鮑肉質無疑係軟滑煙韌不過鮮甜味不算太突出,如閣下有要求的話可加$48/位換成南非鮑魚架~
蔬菜堆中竟然係我最不喜愛的南瓜最為好味真奇怪~
食蒸鍋最後當然係食"精華"啦!一早選了人參雞粥底,但真係飽到上心口了餐廳貼心哋給我們打包了兩大碗人參雞粥第二朝便成為我的早餐了~
另一貼心位因為場內洗手間頗遠的所以九重鮮在廳面設置了洗手盤方便客人清潔雙手!!
走時發現入口左手面原來有數間VIP房,寧靜舒適附設專用洗手間認真不錯,聽侍應話minimum charge$6000便可訂座,喜歡寧靜舒適可以考慮一下呢~
第二朝返熱那人參雞粥香得連車車也想分一杯羹呀!!可惜味道實在太鮮甜了真的不敢給你吃怕你虛不受補呀乖仔哈哈^0^
仲以為車車真係有得食咁補tim,佢依家仲有冇食D supplements ar?
回覆刪除仲有食蟲草靈芝啊^0^
刪除個蓋真係玩味十足!
回覆刪除其實我成日都懷疑呢個食法會唔會好趕,尤其我份人勁心急,好鬼驚自己食得唔夠快,蒸老咗D海鮮!^^"
個蓋勁頂癮呢,其實食嘢慢真係會有D趕架好似車爸爸就要將熟了的海鮮夾起來慢慢享用囉!!
刪除個蓋勁頂癮呢,其實食嘢慢真係會有D趕架好似車爸爸就要將熟了的海鮮夾起來慢慢享用囉!!
刪除車車慘慘豬,無得食
回覆刪除食咗仲慘豬豬!!
刪除