因利成便

機場對於很多人來講係遙遠的地方,但對於我就係只須付出$3.6便可到達的方便之地,所以入機場揾食對於我嚟講並非奢侈的事!!這天更約得幾位好友到來去何洪記嘆個lunch呢^0^

首要任務當然要餵飽男神Matthew仔先啦,{雲吞河}$56份量都不少,我試了少許,雲吞一口一隻,味道頗鮮,河粉亦夠滑溜,質素不俗~

{炸醬麵}$56,炸醬香辣又惹味,麵條爽彈不會似橡筋,好味道^0^

燒味雙拼{蜜汁叉燒}$128和{明爐燒鵝}$158,燒鵝皮脆肉嫩,醃得入味又不過鹹不錯呢~

但我更愛較蜜汁叉燒,少許燶邊的叉燒,肉質鬆化,帶香甜蜜味好吸引呢^0^

另外點少許點心,{蝦餃}$45,上檯時巳有一粒穿掉,外皮不能合格呀!!可幸餡料很足蝦肉爽彈又夠味補回分數~

{鮮蝦腸粉}$64,價位十分進取呢!!不過腸粉皮光肉滑,內裡的大蝦隻隻新鮮彈牙,加上香甜豉油確係滑溜好吃喔!!

吃飽飽後跟甜魔母子雪糕拼去,原來機場接機大堂的Godiva Chocolatier的軟雪糕只售$40杯,比其它前分店足足平了$10,大家去旅行前,後或送機,接機都必要去吃番杯啊~ 

我當然要最濃郁的{朱古力軟雪糕},英雄所見略同甜魔媽媽亦同選朱古力味,而小男神就選了{雙重朱古力軟雪糕},來一張大合照後便大快朵頤啦^0^

可愛的小男神,可否不要那麼快長大啊,Maggie ee仲想欖多你幾年喔!!