這天再重聚

差不多一個月冇見清麗村姑了,她剛外遊回港的第二天中午便相約我去吃午餐,喺東涌選擇不多仲要係未食過的更加少之又少,但竟然比我揾到呢間美談韓國菜館,這日天朗氣清好醒神呢~

美談就在360後面,簡潔的門口有對可愛的韓國公仔好易認^0^

一踏進餐廳被那清雅的蘭花和高高樓底吸引著~

原來這店便是富東街市内的東大門韓國食品的店東開設的~

唔知點解成日覺得用韓式水樽D水特別好飲嘅~

好別緻的餐牌尤其封編織花紋有特別喜好的我更是喜歡^0^

有Daily Special星期一至五輪流有不同的定食推出~

另外還有二十多款Lunch Set,真的目不暇給啊!!

前菜給了我們四款,辣薯仔,西洋菜,大豆芽和泡菜,當中辣薯仔香辣粉淋好好味架~

我選了{辣豬肉蓋飯}$55,用鐵板上檯賣相挺威的~

另外跟上牛肉湯一碗,試了一口勁羶即時要吃件泡菜沖淡佢可幸沒出問題!!

豬肉片香氣撲鼻其實味道香辣食味挺不錯的,但可惜煮得有點過火較為乾身了!!

村姑的{豆腐辣湯}$65,用石鍋熱辣辣上檯,試了少許味道挺不俗,有不少菇菌和豆腐在內,如果再辣多一點點應該更加吸引呢~