自助餐新體驗

近來大家有否留意自助晚餐有個新吹趨勢就係行精緻的半自助餐,我個人認為這方式的自助餐更環保更貼心呢^0^

今次到銅鑼灣皇冠假日酒店的Kudos便品嚐了一頓高質素又美味的{匠藝滋味半自助晚餐}呢^0^

還是第一次到Kudos開餐,半自助餐時間由晚上六時至十時,大家可以慢慢嘆喇喂。

帶大家行個圈看看自助部份有咩正嘢食啦,凍海鮮有爆膏麵包蟹,雪場蟹腳,翡翠螺,海蝦,青口及小龍蝦足足六款選擇,務求總有你喜歡~

日式美食檔當然唔少得刺身,壽司啦~

而刺身餐廳也預備了六七款之多,吞拿魚,三文魚,鯛魚,八爪魚,甜蝦,牡丹蝦和帶子等~

鈣質豐富的芝士亦有五款之多呢!!

一口前菜種類也不少泰式魚露生蝦,日式蟹肉冷麵,大西洋煙魚拼盤,海蜇伴青瓜絲及蒜泥白肉,雜錦凍肉拼盤,煙三文魚。

沙律檔選擇不算十分多但有我最愛的火箭菜已夠我樂透了^0^

到最渴望的生蠔足有六款不同國家的貨有美國Minterbrook,澳洲Coffin Bay,愛爾蘭Iris Rock~

蘇格蘭Scottish Bistro,澳洲Angel Organic,法國Normandy,呢次發達了呵呵.....

睇完D凍冰冰的美食到熱辣辣美食出場了先介紹有螺頭瘦肉燉湯,湯色好清澈看上去已合格啦~

另外還有車仔麵檔,有豬紅,牛腩,豬腸,蘿蔔和魚蛋等等.....最特別除了清湯外還可配襯西式海鮮湯呢!!

呢個海鮮檔就更巴閉內有紅蟹,花甲,大蜆,青口及花螺和游水中蝦係咪巴閉先。

而食法有三種,客人按自己喜好揀出海鮮給師傅便可選擇放入鮑魚海參粥,即煮法式海鮮湯內,而中蝦更可煮成醉翁火焰蝦呢。

熱食暫告一段落,終於到甜品喇!!柚子芝士蛋糕,綠茶卷蛋,Tiramisu,香梨撻及檸檬撻~

藍莓芝士蛋糕,士多啤梨芝士餅,朱古力蛋糕,白酒燴梨。

Brownie,綠茶慕絲蛋糕,榴槤芝士蛋糕,紅酒桂花啫喱,芒果布甸及焦糖燉蛋。

仲有新鮮生果,嘩有我極愛的菠蘿啊^0^

中式有木瓜雪耳糖水,木桶豆腐花另外還有麵包布甸~

Haagen-Daazs雪糕都有七款口味夠晒貪心的我著迷了嘻嘻!

以為七款Haagen-Daazs便可滿足了我嗎??當然不能啦!!仲要有網紋蜜瓜意大利雪糕和乳酪雪糕我才能大滿足架嘛^0^

這個位置便是即席烹煮Main Courses的位置,廚師們正在商討分工好認真喔!!

睇完自助食品區後大家最關心係咩價位是嗎?星期日至四成人$568/位,小童$338/位,星期五,六加多$30,係飲食網站更有低至*75折優惠*詳情按此,再唔係捉開精靈的訓練員更可在餐廳捉到精靈外隨時請埋你食免費buffet呢!詳情按此有得食有得玩都咪話唔爽。

而主菜方面足有8款之多當中還有兩款中式菜餚可供選擇覆蓋很全面。

喜歡嗒兩杯的只須加$98便可選紅白餐酒一杯,質素挺不俗的起碼我個人認為很順喉,不過始終不是評酒專家真不敢班門弄斧評價免遭受攻擊。

講咗咁耐係時候開餐了Yeah~

先來一碟沙律冷盤先,菠蘿好鬼香甜,沙律菜新鮮爽脆尤其火箭菜味道香濃好啱我口味,而橙色的車厘茄更是鮮甜爆汁好好味喔!!那件金文畢芝士又香又滑口感一流呢,而冷盤較少見的泰式魚露生蝦味道也很傳神呢hehe~

生蠔我嚟啦!!試了5款當中以Coffin Bay和Iris Rock最得我歡心,前者蠔裙邊爽口味道清甜,後者亦係爽身入口甘甜,好令人回味喔!!

凍海鮮中試了爆膏麵包蟹蓋,半隻蟹蓋D膏多到三份吃才不致罪過呀!!,雪場蟹腳味鮮不過鹹質素不俗啊,而海蝦亦彈牙甜美不錯不錯~

好友鮑魚海參海鮮粥質感近似泡飯多點,海水鮮味挺濃而且足料非常,吃下鮮味十足呢~

法式海鮮湯用上酸香的什菜湯底配襯新鮮海鮮同煮,那會不鮮味呢不是怕太飽真的想多喝一碗呀!!

最喜歡食車仔麵的我梗係唔會放過它啦!

點了豬腸,豬紅,蘿蔔,魚蛋車仔麵餸夾西式海鮮湯又幾抵死喎,味道上也沒相撞,而且餸味道相當不俗尤其係豬腸滷得很夠味,最重要係腸有腸味呢,愛這味的您懂嘅hehe~

醉翁火焰蝦用上茅台泡製,香氣撲鼻的酒香加上鮮爽的中蝦好鮮味又好吃~

到特色主菜好友角{翡翠原隻鮑魚扣鵝掌配絲苗白飯},試了鮑魚炆得頗淋滑味道香濃不錯喎,用上鮑魚汁來撈白飯吃十分匹配,吃多一碗都還可以呢。

我揀了{烤游水波士頓龍蝦}其實可選忌廉芝士焗的,但自助餐那麼豐富還是選輕盈的煮法吧!!足一隻的波士頓龍蝦呈上好開心呢,肉質爽口烤至香香的龍蝦確令人陶醉,如再可嫩滑點就更得我喜愛呢。

另外一位好友的{美國特級燒牛肉伴忌廉菠菜,焗新著.辣根忌廉及燒汁},好長好霸氣的名字,兩好友都讚賞這菜,好牛的朋友要試試喇!!

最快樂的甜品時間,餐廳這款碟設計十分討好,好友很有心機堆砌這HD雪糕拼盤回來開心些牙,吃得我們萬分滿足啊~

再試了少許甜品綠茶紅豆卷,榴槤芝士蛋糕及白酒燴梨和生果,最正係白酒燴梨帶幽幽酒香的梨十分吸引,其次係榴槤芝士蛋糕味道香濃喜歡榴槤的朋友必愛。

當然唔少得網紋蜜瓜意大利雪糕啦,味道香甜不做作,質地軟滑真係好好味架^0^

嘆杯凍檸茶消消滯陪好友捉吓精靈又是一個愉快的晚上。