紫荊魅力

車媽媽不算是愛花之人(還是愛食多一點),但遇上精緻華麗的東西還是會歡喜的,再粗魯亦是女人仔啊~
這天斯文靚女的Queenie約我到Cafe Bauhinia high tea,兩位清閒太太便有機會聚頭了。


Cafe內在環境清麗優雅,一踏進去就給周遭嘅裝飾襯托得我人也精緻了不少。








今日就跟Queenie來到品嚐 一個{夏日夢之田園下午茶}$468+10%(for two)。
配有兩款精選特飲可選,左係{夕陽無限好}係芒果西瓜冰,而右面那杯係{紙醉迷人藍蝶花}。
藍蝶花係我近來最喜歡嘅飲品,基本上花香唔算太出眾,但顏色就十分十分艷麗,我相信大家都應該知道車媽媽最愛嘅係紫色所以呢杯一定係我選的了。
下午茶盒內有不少可愛嘅陶瓷裝飾物,看見亦都十分開懷,這樣吃也吃得舒心。


負責人叫我哋一定要試咗呢個叫做{忘不了}的青檸雪葩,雪葩質感滑溜味道清香,正好為我們 refresh一吓味蕾。
吃罷清香嘅青檸雪葩後便開始吃鹹點,先吃嘅係{大滿足}用上挪威嘅煙三文魚同埋忌廉芝士,仲有清新嘅青瓜夾在牛角包中,味道質感都配合得剛剛好,而且牛角包頗鬆脆呢^_^
之後便吃那杯{至尊巨蝦}蝦肉超鮮甜爽脆配上我大愛嘅泰式生蝦醬汁,我表示超級滿意喔!


而呢一個{知心戀人}外型極似呢麥樂雞,原來入面係芝士通心粉來的,食落鹹鹹香香配埋他他醬又幾鬼好味喎!


最後一款鹹點係{二重奏}用上意大利巴馬火腿配青瓜,火腿味道偏鹹,可幸有青瓜片救亡,吃下還算可以的。
甜點當中我最喜歡這個{甜甜蜜蜜}面層係熱熔嘅棉花糖,底下配襯埋香蕉花生醬朱古力,成件事都甜美可人得很。




而這杯{甜絲絲}係朱古力忌廉香蕉杯,那朱古力醬極似我哋細個食一小盒的榛子朱古力醬,加上有朱古力嘅好朋友香蕉,整體味道都很不錯呀。


這個{回味無窮}係芒果藍莓忌廉甜撻,有點可惜嘅係撻底已經淋了!還幸的是芒果同藍莓都很新鮮。
呢一杯叫{初戀}係士多啤梨牛奶布甸,士多啤梨醬香甜不假,牛奶布甸亦都香滑迷人。這個味道很不俗呀*^O^*
最後呢杯係{畫出彩虹}用上新鮮七彩繽紛嘅水果,當中的哈密瓜球十分香甜好吃,作為下午茶最清新嘅完結挺合適。
咪以為食完下午茶就要急急腳走呀!只要簡單跟住呢五個步驟,就可以免費做一條{幸福小水晶球頸鏈}㗎啦!


Cafe職員會教導你如何做好這個水晶球頸鏈,其實好容易做㗎咋,仲可以作為一個好好嘅紀念,比起只食一個下午茶來得更有意思^_^




Haha車車表示要剪腳扳底毛了^0^

留言

張貼留言

熱門文章