T-Park之旅

打從六月知道有T-Park有個轉廢為能的休閒地方仲有得浸SPA呢!於事便Plan定車爸爸七月尾放大假要去玩一玩呢,終於Book到1/8去探索吓喇yeah~

屯門V-City有穿梭巴士直接送到T-Park不過大家記得源區的設施定無論穿梭巴士,源泉和導賞團都要預早網上預約的。這天約了12:45的穿梭巴士所以11:30便到V-City的羅麥記吃個早餐先啦~

走懷舊路線的羅麥記坐位頗多,但星期一的早上人流也頗疏落~

店內放滿舊電器,電話,汽水箱,皮喼及汽水箱~

有全日制常餐不過價錢一點也不常餐喎!!

揀好嘢食侍應生用超級無敵大衣夾送來賬單好可愛呢!!

大家細時有否玩過康樂棋,車媽媽細時就好喜歡玩,可惜玩伴不多不是經常可有人陪玩呢!!

我點了羅麥雞翼撈通粉配羅麥炒蛋多士$60,價位真進取不知食物質素會否對得起價呢~

雞翼味道極像我煮的一樣所以我好喜歡此味呀,但通粉充滿不香的麵粉味配襯埋瑞士汁就變成怪怪的味道了!!

而厚多士就不夠熱脆韌黐黐的,可幸炒蛋煮夠嫩滑補回少許面子。

餐飲凍檸檬茶加$6,味道一般啦沒特別~

車爸爸就點了叉燒濃湯通粉配羅麥炒蛋多士$56~

那叉燒樣衰到呢又黑又瘀認真難頂,不過好彩吃落味道尚算正常,但濃湯又真係唔覺濃喺邊囉~

不過熱飲都要加$6感覺真係有點搶錢囉!!

吃飽飽後便到穿梭巴士侯車處等車來送我們入T-Park,穿藍色制服的便是源區職員,大熱天時在這兒工作真係辛苦她們了,何況那天巳掛起3號風球天氣又翳又焗!!

穿梭巴士沿著龍鼓灘方向駛入T-Park大約30分鐘便可到達園區。

帶著期待已久嘅心情終於來到了T-Park。

地方十分闊落一進入就係源.林綠草如茵鳥語花香的環境令人身心輕鬆舒暢,香港人生活繁忙真的要來多點遠離塵囂的世外桃源啊!!

行進園區不久便可看見大大小小的噴水池在叢林間盡情起舞。

未開始行之前賓客可以喺足浴池浸吓腳輕鬆一番,可惜今天維修當中只能欣賞不能享用

旁邊還有一個洗腳嘅花灑感覺更見衛生。

終於行到去園區嘅大樓喇!!

先到接待處可以了解清楚如何在這裏參觀,而且呢度還有免費嘅儲物櫃可以將手袋及各樣物品放低,那便玩得更輕鬆自在啦^0^

然之後我跟車爸爸繼續去所有嘅源點參觀，呢個源區係將污水處理過後剩低嘅半固體殘餘物即係汚泥轉化成能源，整個源區都係用呢種能源去運行，更可每天處理2000公噸嘅汚泥轉能,可供給設施同埋四千個家庭的供電量。

剛剛新開業的源·茶係香港循理會社會企業經營的，供應不少輕食和飲品。

源·茶對開正正喺一個開揚嘅海景，望著對面嘅海港已經係大陸嘅地方啦！

源·館呢係冇開放應該係需要導賞團帶領下先至可以欣賞的。

跟住我哋兩個就四處行下會望到一啲污水處理嘅機器,沿途亦都好多解釋如果對呢個有興趣呢可以報佢哋嘅導賞團㗎!不過我哋就冇乜興趣最想就係去浸SPA hehe~

行完所有嘅源點之後我哋就要預備去浸spa啦，取了通行證後我同車爸爸就到源.泉各自入更衣室換泳裝啦！

呢度嘅設施都好貼心入面有呢個儲物櫃,需要入一個五蚊落去才可運作的，但係呢個五蚊最後唔用嘅時候係可以攞返架。

內裏還有風筒可以供客人使用,那便不怕冷到了。

換好衫後兩點半救生員準時開場，我哋book嘅時間係兩點半至四點鐘，可以慢慢浸慢慢傾吓心事。

內有三個分別係18度29度同埋36度嘅水溫的浸池，不知是否打風的關係今日人真的不多，平時可容納50人浸嘅地方今天大約只得20多人。

怕凍的車爸爸爸當然最喜歡36同29度嘅浸池啦！而我就喜歡18度刺激的冰凍池，玩一個冰火之旅都不知幾爽哈哈好刺激呀*^O^*

浸完spa之後我哋就上返源.茶食嘢啦,不過我哋book嘅時候源.茶係仲未開放,所以我哋自己買咗嘢飲嘢食去,姣好彩佢哋都好歡迎我哋坐喺度食嘢飲嘢,我倆便看著這煙霧迷漫的景緻開餐喇。

呢度冇咩裝修簡簡單單長枱上面有啲肉肉植物看上去更加綠化,但係亦有貼心的USB叉電設施。

本來我哋六點鐘先至走但係因為知道將會掛八號風球所以我哋跟咗五點嘅shuttle bus走啦, 臨走前梗要好好欣賞吓這裡綠意盎然的園林嘅景色啦。

車爸爸影低的盛放荷花便是給我們最佳的道别禮物。