感謝(二)

來到今天已是八月十一了，離中秋節只有數天，所以要開始食月餅喇！車車睇嚟十分認同。

上年試過一次金記冰室嘅月餅後，愛上了他的低糖白蓮蓉，吃下不會十分甜膩，所以今年都一樣要整番盒{雙黃白蓮蓉}$168食啦！

連車車都忍唔住要走埋去索，就知道有幾咁香啦！

最喜歡傳統口味月餅，那個流油的蛋黃諗起都流口水呢！

今年嘅金記月餅白蓮蓉依舊香甜幼滑，不過蛋黃就冇上年咁鬆化油潤，但整體嚟講都尚算不俗呀！

而另一間係新滬坊嘅創新月餅，包裝依舊鮮豔奪目，有我最愛嘅紫色襯螢光綠，十分搶眼送禮一流呀。

今年嘅口味十分創新我得到嘅係{欖仁芋蓉月餅}以及係{鳳梨奶黃月餅}$288，13/9前訂購有不少優惠呢詳情按此。

{欖仁芋蓉月餅}顧名思義係用芋頭同埋欖仁造成，深紫色澤色見到已經加分不少，月餅吃下有粒粒欖仁挺好咬口，再加上深紫色芋頭蓉，吃下口感潤滑帶芋香，真的令人很有新鮮感喔！

另一個{鳳梨奶黃月餅}，一切開奶黃香氣已飄逸進鼻子處，隨即兩腮一軟，一口吃下奶黃香氣加上鹹蛋黃的甘香，再配合埋鳳梨嘅清香，我只可以講一句一定難忘，大家一定要試，唔係你會後悔的！