中秋聚

今天係中秋節車媽媽祝大家中秋節快樂,人月兩團圓, 早在9月8號一眾好友已相約到新滬坊預祝中秋節,相聚吃餐精緻的滬菜。

新滬坊位置比起金紫荊較近港鐵站, 地方同樣闊落舒適。




這夜我哋被安排到廂房就座,令我們吃得更加愜意喔!
由美艷的菜牌帶領我們開始今晚精彩嘅中秋節飯聚!!
先上場嘅係富西式外表的滬坊小蝶,內容有{水晶蟹肉},{涼拌海參},{黑松露燻蛋}及{麻醬沙律},一端上枱那黑松露嘅香氣直撲鼻子,口水即時湧出,吃下同樣精彩,軟綿黏咀的流心蛋黃 ,加上香氣濃郁的黑松露醬及煙燻味,只能說一句*傾心*
{水晶蟹肉}看上去晶瑩剔透吃下味道帶鮮, 口感清爽絕不會立痴痴的,我很喜歡呢。
                         
而{涼拌海參}質感爽口,帶微微香辣味道,很可口呀!!
{蟲草花百豆湯}車媽媽都十分喜歡用蟲草花煲湯,但愛嚟煲豆湯還是第一次試,豆湯非常之濃郁香甜,而且喝下非常飽肚呢!加上有蟲草花咬口更加豐腴。
驚喜一浪接一浪,這味{花雕酒釀大明蝦}, 上枱時已香氣四溢!!
用上花雕及酒釀來蒸煮新鮮大蝦,真係隔住個mon都覺吸引,而且大蝦爽口又彈牙,味道十分鮮甜,仲有嘅係墊底嘅粉皮,大家千萬別錯過,簡直係精華所在*^O^*
{子薑鴨}從來愛吃薑的車媽媽很喜歡這味菜式,香辣無渣嘅子薑,配上鬆軟嘅鴨肉,清爽好吃。
{醬汁燒牛肋骨}不吃牛的我當然係益朋友啦!聽聞這個菜都十分好味道呢!
{有機鮮蔬炒珍菌},內有南瓜,木耳,雞脾菇,同埋我最鍾意嘅秋葵。
這個鮮蔬炒真菌味道清香,用來間場真的十分合適呀。
最後係高湯小籠包,和擔擔湯拉麵,係食滬菜嘅地方又怎能少得它們呢!
高湯小籠包外型靚仔,吃下味道更是鮮甜多汁,小籠包皮亦算夠薄,質素很不俗呀。
而擔擔麵麻醬底十分濃厚,麵質夠滑溜,可惜沒有辣味的,不然應該更加討我歡心!
到甜品環節喇!今晚我哋食高力豆沙和小米南瓜露。
{小米南瓜露}用原個南瓜上枱,真的十分可愛,味道方面南瓜露挺香甜,還有粒粒小米咬口十足。


{高力豆沙}香甜不油膩,豆沙餡不會過甜,質素很不錯呢。

留言

  1. 中秋節快樂!!

    我都好鍾意食子薑,無論係餸菜定甜品,加咗子薑我我食得寧捨賣力,嘻嘻!

    回覆刪除
  2. 個南瓜仔真係好cute喎,中秋節快樂呀

    回覆刪除

張貼留言

熱門文章