女神晚餐

早前欣宜一首女神，為不少可愛胖女出了一口氣，而屬於這胖女族的我也十分認同瘦不代表美，我覺得只要健康自信，肥瘦也可美麗(^_-)

這天到A la maison XXL Seafood & Grill來吃一頓XXL女神晚餐 ，大家預備好同胖發福未呀！

內裏嘅裝飾帶點法國嘅南部風味，彷彿聞到海水般的味道喔！

精緻神秘嘅餐牌內載滿不少美食，而且餐廳有不少菜式分別有S,XXL Size可選，適合兩口子拍住拖溫馨食，亦適合一家大細高高興興共餐。

先點杯清爽的{Mojito}$78，清香又足料，啱曬香汗淋漓的我(^_-)

頭盤點了{XXL凱撒沙律配三文魚}$165,分量真的XXL足夠我哋6人分享有多呢！

煙三文魚以玫瑰花造型亮相，賣相已經加分不少啦！

至於味道方便亦都做得恰到好處，醬汁不會過多，羅馬生菜清脆爽口，煙三文魚香濃沒腥味，絕對係一個好好嘅開始，好期待跟住落嚟嘅美味食物呢！

{海鮮拼盤}$688/Regular，海鮮拼盤有一隻新鮮麵包蟹，一隻龍蝦，四隻法國黃金蠔，以及兩隻大海蝦和4隻海蝦，這個價錢實在太抵食了吧！

呢一款法國黃金蠔超新鮮，入口富濃郁海水味，肉身爽滑，入口鮮甜，餘韻不俗。

而且麵包蟹係鮮貨來的，滿載溫柔嘅蟹膏，真的令人難以忘懷，另外龍蝦及海蝦亦都爽彈鮮甜十分好吃喔。 

{法式焗虎蝦墨汁意大利飯}$380，鋪滿超多新鮮大虎蝦的意大利飯，好鬼震撼囉，味道又爽又鮮甜絕對係靚貨，而最令我喜愛的係那墨汁意大利飯，鮮香的墨汁融入咬口恰好嘅意大利飯內，吃得我很愜意呀^_^

}{Carbonara}$148，這個意粉其實味道鹹香滑溜亦十分出色，但可惜珠玉在前難免被比下去了！

{XXL焗綿花糖}$188，一見到棉花糖甜品車媽媽我簡直進入了瘋狂狀態！

棉花糖燒得燒至恰好，配上香蕉和朱古力醬簡直係perfect match啦，唯獨呢個價位有啲少貴！真的多謝好友們為了完愛吃棉花糖甜品的饞嘴，要多付一點金錢了哈哈。