夏中一點凉

夏天對車媽媽嚟講真的又愛又恨,愛的是夏天陽光充沛,充滿活力,而恨的是豬油包的我,成日都香汗淋漓,真的令人糾結!
不過香港真係塊福地,世界各地美食幾乎都在這裡落腳,連超解暑的韓式雪花冰,都能在這片土地找得到!那便無懼熱炎夏啦!這天跟正義朋友經過這間白色雪花之公主熱烘烘的我即刻拉他陪我吃雪花冰!
店內嘅餅櫃色彩繽紛,甜品看上去很吸引喔^0^


店內係長型嘅設計坐得十分舒適,奉行自助形式購票,然後店員會奉上一個呼叫器,到食物預備好的時候就可以去攞嘢食啦!
而餐具都係自助形式架!自己喜歡用咩就攞咩啦!


喜歡淨係食甜品既可以考慮呢款甜品套餐,六,七十蚊就已經有兩款甜品或飲品都好抵食喎~
不過我盯上嘅係雪花冰,自從喺新麻浦第一次食過佢綿滑的雪花冰後,心內經常心思思想再食,而且到今天還未找到一間比佢更加好吃的!唔知呢間白色雪花之公主會唔會比到個驚喜我呢?
如果未吃正餐來到更抵食既特價晚餐供應,講緊係$88就可以有一個主食跟一個小食,價錢差不多係買一送一呀!
選好我最喜歡嘅韓式碗筷,便乖乖等吃啦~
先吃一個小食{香炸魚餅麵}$45,呢個並不是薯條嚟㗎!而係我哋平時食嘅韓式魚片,將佢切條後炸香口感煙韌香口,而跟上的點醬都十分好吃,尤其左手邊嘅韓式辣醬惹味得很,真係好吃得一條接一條,停不了口喔!!
{柚子蜜雞翼}$62,雞翼炸得都幾乾身,入面雞肉頗嫩滑,還貼心地送上一小杯椰菜沙律,可作解膩之用。
{豬腩肉}$65同正義嘅朋友嚟食當然要點邪惡嘅豬腩肉啦,呢個豬腩肉都幾高竇我哋等咗佢都一段時間,原來因為係即叫即做,好啦原諒你一次咁多。
豬腩肉還趁上一隻水波蛋,但係我就略嫌佢唔夠流心,而豬腩肉都燒得挺香,肉質幾夠咬口,不過我覺得可以再邪惡多一點!
嚟呢度最主要梗係食雪花冰啦!點了{芒果雪花}$78,雪花冰都算綿滑,但最特別係每食一口久不久都會有點好像鹹鹹味的味道,原來係乳酪粉散發出來的化學作用,效果十分特別,芒果肉都很甜美,如果可以再多些就更加開心呢~

留言

張貼留言

熱門文章