回味四格的快樂

相信我呢脱人對老夫子四格漫畫一定不會陌生，尤記得小時候比媽媽捉去後巷輝記剪髮喊到散天呢(因為要剪男仔頭)！輝記唯一令我有好感嘅係有老夫子漫畫睇，童年就是那麼易滿足，近來太子開了間老夫子餐館我當然不能錯過這快樂的四格回憶啊~

熙來攘往嘅彌敦道上竟然有隻大番薯向我撒嬌，我而家咪嚟探你囉做乜扁嘴啫！

行上大廈嘅一樓便是老夫子餐廳，沿途掛滿很多不同嘅老夫子漫畫，何其好壯觀啊～

上到餐廳嘅門口，就見到 一比一大的老夫子和大番薯，喺度歡迎我哋啦*^O^*

而且店內還有不少嘅精品可供粉絲們選購。

是日去下午茶等了大約五分鐘已經有位了真好彩，入到餐廳眼睛真係去咗旅行一樣！果然係一間由王澤教授親自欽點開的第一所餐廳，內裏所有老夫子的畫都充滿著小時候的味道。

而且餐廳的座位十分之闊落，尤以卡座坐得零舍舒適。

好喜歡這張大蕃薯的櫈^_^

餐牌餐具同樣精緻美麗，據聞試業不久巳被盜走百多本，所以現在係可以買喇！！

天氣重還是這麼熱當然要杯冰凍飲品抖一抖氣先啦！後面係友人的(天旋地轉)冰藍天使＄54，前 係我點嘅(日新月異)火紅天使＄54, 係我最喜歡嘅接骨木花梳打， 加上新鮮嘅火龍果同倒插嘅效果，真係奪目耀眼。

(金枝玉葉)芝士焗薯皮$40，焗得金黃的芝士薯皮，賣相相當吸引，而味道方便我覺得芝士味可以再濃厚些喎！

(耐人尋味)瑞士汁燒乳鴿$98，相信睇開老夫子嘅粉絲都唔會陌生嘅耐人尋味，原來係將乳鴿用瑞士汁滷完後再攞去炸香，味道尚算可以不過我略嫌炸得偏乾了點！

(百花齊放)蒜蓉大蝦蕃茄汁意粉$108，呢個意粉味道不錯，番茄汁味道挺真，大蝦亦都十分新鮮合格啊。

最後呢個(龐然大物)即係焰雪山是也$128，份量足夠四位享用。

侍應將酒傾倒上雪山後點火，現場看得到火焰可惜火焰小姐較怕醜唔多願上鏡呢！面層忌廉打得輕柔，吃下亦不過甜，這個真心覺得做得不錯，推介要試呀*^O^*