媽媽的抉擇

這天真的十分糾結，天文台本來話會掛風球的頗擔心會橫風橫雨，所以老友記約我上去山頂食晏我都唔敢應承住，但係我又好想上山頂行下喎！真係媽媽的抉擇！

不過無論任何天氣其實真係阻不了我見老友記決心的，所以還是應約了，選的是富士山媽媽Fujiyama Mama 

富士山媽媽真係一間好可愛嘅餐廳，未到用餐區前會見到店主有一間小士多，賣嘅係精緻嘅日本小食，玩具只要標了價錢的都可以買走㗎！

小時候最喜歡吃嘅可樂糖都有，還有好可愛熊仔頭嘅啫喱糖，超級卡娃依呢！

這天可算天公造美，比我哋一班老友記在中秋節前聚一聚，開心吃頓Lunch。

一入到餐廳內見到師傅忙著為我們準備午餐，認真工作的男人是最有型的。

餐廳周遭掛滿八，九十年代嘅日本明星相片，還播著同年代嘅music video，那種親切嘅感覺又回來了！

欣賞完風光如畫嘅風景，同埋精心佈置的裝飾後，係時候午餐了^0^先上檯係{媽媽燒雞蒜香沙律}$98，中西合壁的配搭，令人很期待呢！

由山頂周杰倫為我們拌這個沙律，內有燒雞，洋蔥，番茄，毛豆以及雞蛋，加上蛋黃沙律醬撈勻後吃下清新爽口，完全不覺油膩。

我呢杯係{芒果沙冰}$45，份量超大杯這個價錢真的十分抵飲呀~

沙冰入口質感綿滑，芒果味十分真實很香甜，味道很可口喔！

吃日本菜當然要食刺身，{富士山刺身拼盤}$398，呢個富士山刺身拼盤係用空運到港嘅時令刺身組成的，聽見都流口水。

富士山果然氣勢磅礡呀！今日我哋得到油甘魚，吞拿魚腩，三文魚腩，帶子及牡丹蝦刺身，全部都新鮮肥美，當中我最喜愛嘅係帶子刺身，鮮甜黏咀嘅感覺很令人神往哦！

{廚師主理壽司拼盤}$198/10件， 分別有吞拿魚，章紅魚，三文魚，鯖魚，左口魚裙邊，北寄貝，甜蝦，三文魚子以及八爪魚壽司，我吃了三文魚子壽司，粒粒卜卜脆鮮味十足嘅三文魚子吃得我很滿足啊～

而卷物方便我試咗呢個明太子壽司，帶點香辣十分惹味，而壽司飯亦都算不俗，我好喜歡呢！

另一款賣上別緻非常嘅係{泡菜餃子拌蒜香檸檬蛋黃醬}$68，從來喜歡食泡菜餃子的我當然好鍾意食呢個啦！金黃香脆的餃子熱辣辣的上檯，那會不好吃呢*^O^*

{媽媽大阪燒}$88，個子不少的大阪燒確是飽肚之選，內裏都非常足料，味道亦都不俗呢。

{烤松露忌廉薯蓉拌蕃茄醬}$78，喜歡creamy軟滑嘅朋友一定好喜歡呢個炸薯蓉，還有香酸蕃茄醬伴食惹味加倍，溫馨提示吃時小心燙嘴呀！

好友們的{蒜香和牛七味爐端燒}$198，聽聞質素十分不錯架。

而我就最愛呢個{辣蔥醬油醋煮雞腿肉爐端燒}$98，雞皮烤得香脆可口，雞肉嫩滑，肉汁豐腴，加埋那個辣蔥醬油簡直係無敵呀^_^

{叉燒拉麵}$88，叉燒夠淋滑，麵條係粗身的都挺有咬口，可以一試。

吃吧所有菜色後而家正式上正餐呀哈哈！{柚子芝士蛋糕}$45，質地都夠滑，味道亦算香濃，而{綠茶法式燉蛋}$45，加上抹茶的燉蛋多了一份甘香，都幾特別㗎！

最後一衆雪糕狂徒聚集一起，當然要勁吃雪糕啦！由日本直送的雪糕有抹茶，芝麻，紅豆和柚子，我試了清香的柚子和甘甜的抹茶，真的大滿足啊，老友記們下次又去邊聚好呢？