感謝！

今年率先收到兩盒月餅,先多謝Fred & Chloe的奶黃月餅，上年有幸甜魔媽媽請了我試了這家的奶黃月餅，被它的奶香深深吸引著，今年終於可真正好好品嚐一番了。

打開蔚藍的月餅盒，內有6件金黃的迷你奶黃月餅$250，還印了可愛的牛牛模樣，而盒上還有Do you want to play game的字條，背面還有三組Lucky Number究竟咩葫蘆賣咩葯呢？一掃QR Code睇原來係Fred & Chloe在FB玩的一個遊戲詳情可按此，7/9前仲有$30折扣優惠呢！

將月奶黃餅用微波爐叮10秒後吃最為好味道呢^0^

月餅外皮酥香不乾，奶黃內餡用上法國3.6牛乳製成，味道香而不膩，埋白講一D都唔輸蝕不過嘉麟樓呀！

另一天多謝Queenie帶我到Maxim's Mooncake Popup參加月餅手工梘工作坊。

到場時四周圍參觀下呢間popup Shop,原來中午有個九蚊餐，有一個月餅/咖哩角/雞批,再加一杯奶茶好鬼抵喎！

等埋Queenie到場便去工作坊整我哋嘅月餅手工梘喇！首先揀好月餅模先。

然後導師就會比一盒手工梘嘅材料我哋,便可以開工啦，好緊張呀*^O^*

先將呢舊流心餡唧入液體狀嘅梘液，然之後將他放在一邊備用。

再搓我哋嘅月餅皮，整好之後就可以將流心餡包喺月餅皮入面㗎喇！

不過先要將流心餡封頂，才可包在月餅皮內的哦！

將搓好嘅月餅皮搣出嚟，放上流心餡便可將他包覆。

包好之後就將佢放入月餅模內定型，之後就會見到一個好靚仔嘅流心月餅手工梘㗎啦(^_-)

整出嚟嘅手工梘同真嘅月餅真係冇分別㗎，好彩屋企冇小朋友如果唔係又會再發生跑完步食番梘事件(>﹏<)

呢個係老師嘅作品切開呢真係會流心㗎，不過我諗我唔捨得將我嗰個切開佢囉！！

另一盒收到月餅，就係如心集團嘅如心南灣酒店送來的雙黃白蓮蓉月餅,多謝晒呀。

其實車媽媽都好鍾意食傳統嘅蓮蓉月餅㗎！奈何身體太過發胖了，現在只敢淺嚐一下咋！

月餅外型相當靚仔，攞上手唔會油淋淋的。

吃應節月餅梗係要出動我嘅靚靚茶壺茶杯配襯啦^_^

吃下白蓮蓉香滑，蛋黃亦都鬆軟甘香，質素不俗呀，嘆番杯靚茶簡直係人生既一大樂事,係時候諗吓中秋去那兒賞月喇!!