19 10月, 2016

神啊!救救我吧!

這天我殺入元朗見為了見我我的男神和女神,當然為食的我要同男,女神媽媽撑過檯腳後才去拜訪他們嘻嘻!
既然與神有緣就選元朗近來大熱的寿司の神作為晚餐吧!


店子小小但十分骨子,這正是我喜歡的日本料理店。


今天我倆都走了多長場,大家都十分攰呢!就將食物交給師傅發板吧!先嚟嘅係前菜。
藍色杯子裝有三升漬豆腐,而他的前方係麵豉醬大根,隔離就係黑松露虎蝦,而最後被嫩葉保護的係白榆貝。
四款當中我最愛係爽口香味的黑松露虎蝦,以及入味淋香的麵豉醬大根。
不過這白榆貝都相當入味淋身,也很好吃呢!
而我最喜歡的刺身亦接力上檯,我哋得到嘅係真鯛,深海池魚腩 劍魚腩,燒銀鱈魚,醋醃鯖魚及大拖羅。
全部都超新鮮又好味,當中更第一次吃銀鱈魚刺身,確是坊間少有,經輕炙的銀雪魚加上蔥同辣椒蘿蔔,吃下香氣滿溢外,魚肉更帶豐魚油香氣,入口後魚香歷久不散!
而大拖羅更加無容置疑哋好吃,香滑無筋,令人極之回味!
壽司之神出場了!壽司方面我哋得到金線鯛,北寄貝,海膽以及前方好特別的叫魚獅羔,聽聞係魚的鼻軟骨醋漬而成酸酸的味道,咬下非常爽口過癮,而麵豉醬漬蒜子更令我吃得快樂!
首先壽司握得十分出色,飯粒軟糯不鬆散,醋味恰好,全部都十分新鮮,尤以北寄貝為甚,爽脆鮮甜十分可口。
吃吧精彩的手握壽司後,要食呢個係蒲燒鰻魚$90,燒至焦香惹味的鰻魚皮,像薯片般薄脆,加上山椒粉一同吃,集香,脆,滑於一身,而旁邊的脆魚乾塊亦都不容忽視,輕脆好吃真的精彩非常。
雜錦天婦羅$120內有舞茸,南瓜蕃薯,虎蝦,素面及洋蔥仔。
天婦羅漿薄脆非常,用料亦都十分新鮮,當中我最喜歡嘅係舞茸,水份這麼多的菇菌類做天婦羅係需要很高技術的,這裏做得十分出色呢!
去到最尾來一客濃稠的魚湯,煮開飯的車媽媽一入口便知魚湯十分足料,濃香中沒帶一絲腥味!
最後附上的夕張蜜瓜作為最完美的終結!日本蜜瓜真的無敵,香甜有質感,真的好好味呀!
吃飽一頓如此精彩的Omakase,我哋兩位媽媽還未滿足!咁當然要去慰藉一下甜胃啦!
經過呢間白色雪花之公主就揀佢啦!因為之前我試過尖沙咀店有唔錯印象呢。


呢度有免費嘅凍麥茶供應,吃得甜品多飲杯茶都唔錯吖!
仲有超抵食套餐供應,可惜吃不下蛋糕!
甜品選擇實在太多,我倆好不容易才選出兩款來點,先來係怪獸爆谷雪糕$51(大)我哋揀嘅時候很糾結究竟要大定要細好呢,但係店員話畀我哋知細得3圈雪糕,而大有7圈咁多,只不過相差6蚊咋!即時師奶上身選大啦哈哈!雪糕質感都算軟滑的,加上甜蜜蜜的焦糖爆谷,這樣價錢我哋絕對收貨了!
而另一款揀咗Glass Tiramisu$55,這款就冇爆谷雪糕咁開心啦!食落唔係好像Tiramisu,不過有甜品食點都係開心嘅*^O^*
我哋兩個媽媽自私食完之後,就帶著賄款(朱古力餅)去見男,女神啦^_^
由細睇到佢哋大嘅一對可愛小兄妹Matthew and Chloe,每一次見到佢哋心內都會融化的,魅力可見一斑。
再加埋妹妹嘅香吻,真的要叫句神啊救救我吧!

4 則留言: