28 10月, 2016

補償的豐富海鮮午餐

話說這天車媽媽要去做磁力共振,事因我膊頭有一個脂肪瘤已經跟隨我十多年了,眼見他日益長大覺得係時候解要決它!可惜是日狀況不好,原來這個磁力共振係需要我最少半小時瞓喺度唔準郁,妖我又未死點唔郁呀!我足足用咗一個鐘頭時間可惜都影唔到正確嘅照片,最後更弄至有窒息的感覺唯有放棄吧!
在這不佳的心情底下,好友找我到屯門三聖村食海鮮,心情才好返少少!先由大夥兒去揀了心水海鮮後,再選了在泰海鮮共晉午餐。
餐前小食有呢個酸蘿蔔,味道酸而不澀,而且好爽口我食咗超多呢^0^
率先上枱係白灼九節蝦,這蝦特質殼比較厚,身但係肉質爽口,而且鮮甜無比,泰海鮮收嘅加工費都只係50多元一斤好合理吖。
仲有我最鍾意食嘅邪惡椒鹽鮮魷$96,呢度嘅椒鹽鮮魷炸醬唔會硬掘掘,吃下原來係大尾魷來的,怪不得特別鮮甜又夠煙韌好好吃喔。
海鮮湯$18/位內裏有很多雜魚仔,賴尿蝦,蕃茄薯仔,同埋好多蜆味道超鮮甜,不過我覺得蜆味太重了有點蓋過其他鮮味啊!!
油鹽水浸瀨尿蝦很久沒有想過這款瀨尿蝦了,市面上咁大隻嘅都係斑馬瀨尿蝦,我就唔係幾喜歡吃它了。
這種淨色的瀨尿蝦味道會比較鮮甜,而且肉質比較紮實,我好喜歡這口感,而且用油鹽水浸更能吃出鮮味來。
好友知我今天心情不佳,特意陪我食奄仔蟹,當然明白奄仔蟹嘅當造期已經過,真的十分多謝他們的心意。
雖然話唔係當造期,但係亦都膏香滿盈,吃下黏糯,蟹肉亦夠鮮甜,我是吃得十分愜意喔!
食咗咁多海鮮梗係要整返個菜啦!啫啫薑汁芥蘭$76,用砂鍋上檯熱辣辣的鑊氣十足,而且味道十分香濃,可惜的是芥蘭還是未夠菜香!
最當然要顧及愛澱粉質嘅朋友啦!泰式雞肉菠蘿炒飯$98,大大個新鮮菠蘿盛載滿滿的炒飯吃完飽足非常,心情亦已經好轉不少呢,係時候出番去香港陪車爸爸整牙喇!!

4 則留言:

  1. haha, 依2日一定更加滿足飽足

    回覆刪除
    回覆
    1. 如妳所料超飽足,可惜妳要早走!

      刪除
  2. 有班咁鍚車媽媽嘅朋友,心情自然好返哂呢! :)

    回覆刪除