美味依舊的潮味

同車爸爸撐枱腳永遠都是快樂事,食乜嘢我都冇乜所謂,最緊要係食得開心,不過兩條冷真係唔食得好多嘢,所以我特別喜歡去心夜來潮,貪佢樣樣嘢都細細碟可以試多幾款吖嘛!
有點可惜嘅就係深夜來潮已由塘尾道好有風味嘅舖位搬到去地方闊落的旺角西洋菜街樓上舖,雖然這兒不受天氣嘅影響,但係始終都覺得舊店風味較好。


不過新店地方大了又光猛了,坐得較為舒適,亦都企理得多呢!
這麼高興的拍拖夜,梗係要嗌支藍妹$32高興下啦!店子提供膠碗給客人飲啤酒,不過始終都係覺得玻璃或瓦的器皿飲啤酒會比較冰凍些。
我只飲了一少碗,啤酒都唔算好啱飲,我都係飲番可樂$10好啲!
來這兒必食的{醬醃螄蚶}$48,價錢比起以往貴了少許,但係現在多跟上一碗白粥,另外螄蚶亦都份量多了少許!
還記得第一次看見這個螄蚶夾真係老鼠拉龜無從入手,現在當然得心應手啦!
剝開獅蚶後內裏鮮甜美味的汁液緩緩流落白粥內,那口粥簡直係人間極品喔!
呢個{小米餃}$26又係我的心頭愛,一口一粒過癮非常,肉餡充滿大地魚香,加上煙靭軟糯的餃皮,只能大叫點解會咁好食㗎^_^


跟住試埋兩個新菜式,呢個叫做{爆炒醬啫秋葵}$66,用瓦煲上檯鑊氣十足,內裏有不少肉碎香口惹味,而我倆都十分喜歡吃的秋葵也炒得乾身好吃呀。
最後呢個身材係{石板燒汁茄子}$56, 又係惹味新菜式, 艷麗嘅紫色已經十分吸引我,加上香濃嘅醬汁味道確實不錯,但係如果能少點點油應該更加健康好吃呢!

留言

張貼留言

熱門文章